దర్శకేంద్రుడు రాఘవేంద్రరావు ఇప్పుడు నటుడిగా ఎంట్రీ ఇవ్వడానికి సిద్ధమవుతున్నారు. తనికెళ్ల భరణి దర్శకత్వంలో రాఘవేంద్రరావు హీరోగా ఓ సినిమా తెరకెక్కుతోంది. దాంతో రాఘవేంద్రరావు నటుడిగా ఎంట్రీ ఇవ్వబోతున్నాడని ప్రచారం జరుగుతోంది. అయితే దానికంటే ముందుగానే రాఘవేంద్రరావు ఎంట్రీ ఇస్తున్నట్లు తెలుస్తోంది. అది కూడా ‘పెళ్లి సందడి’ సినిమాతో కావడం విశేషం. రాఘవేంద్రరావు తీసిన హిట్టు చిత్రాల్లో ‘పెళ్లి సందడి’ ఒకటి. పాతికేళ్ల క్రితం వచ్చిన ఈ సినిమాతో హీరో శ్రీకాంత్ కి స్టార్ హోదా వచ్చింది.
ఇప్పుడు ఈ సినిమా సీక్వెల్ లో శ్రీకాంత్ తనయుడు రోషన్ హీరోగా నటిస్తున్నాడు. ఈ సినిమాకి రాఘవేంద్రరావు శిష్యురాలు గౌరీ దర్శకత్వం వహిస్తున్నారు. రాఘవేంద్రరావు కేవలం దర్శకత్వ పర్యవేక్షణకు మాత్రమే పరిమితమయ్యారు. తాజాగా అందుతున్న సమాచారం ప్రకారం.. ఈ సినిమాలో రాఘవేంద్రరావు లీడ్ రోల్ లో కనిపించబోతున్నారట. ఆయన కోణంలోనే కథ నడుస్తుందని తెలుస్తోంది. రాఘవేంద్రరావు యంగేజ్ లో ఉండే పాత్రని రోషన్ పోషిస్తున్నాడట.
అంటే ఈ సినిమా ఫ్లాష్ బ్యాక్ నేరేషన్ లో సాగబోతుందని తెలుస్తోంది. దీన్ని బట్టి చూస్తుంటే దర్శకేంద్రుడు ఈ సినిమాతోనే నటుడిగా ఎంట్రీ ఇవ్వబోతున్నారని తెలుస్తోంది. ప్రస్తుతం ఈ సినిమా షూటింగ్ హైదరాబాద్ లో జరుగుతోంది.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
Home
