“మార్నింగ్ రాగా” చిత్రంతో హీరోగా ప్రయత్నించి విఫలమై ఆ తర్వాత “అనగనగా ఓ ధీరుడు”తో దర్శకుడిగానూ హాలీవుడ్ స్థాయి చిత్రాన్ని తెరకెక్కించి భారీ పరాజయాన్ని సొంతం చేసుకోవడమే కాక రీసెంట్ గా “సైజ్ జీరో”తో మరో ఫ్లాప్ ని మూటగట్టుకొన్న ప్రకాష్ కోవెలమూడి (Prakash Kovelamudi) తెలుగులో తన టాలెంట్ ను ఎవరూ గుర్తించట్లేదని ఫీలయ్యాడో ఏమో కానీ ఉన్నట్లుండి బాలీవుడ్ కి వెళ్లిపోయాడు. అక్కడ రాజ్ కుమార్ రావు, కంగనా రనౌత్ ప్రధాన పాత్రల్లో “మెంటల్ హై క్యా” అనే చిత్రాన్ని తెరకెక్కిస్తున్నాడు. ఏక్తా కపూర్ నిర్మిస్తున్న ఈ చిత్రం ఫస్ట్ లుక్ పోస్టర్స్ ఇవాళ విడుదలయ్యాయి.
ముఖానికి టేప్ వేసుకొన్న రాజ్ కుమార్ రావ్, డెడ్ బాడీ కోసం గీసిన సర్కిల్ లో పడుకొని విచిత్రంగా నవ్వుతున్న కంగనాల లుక్స్ చూస్తే నిజంగానే “మెంటల్ హై క్యా” అని అడగాలనిపిస్తుంది. మరి తెలుగు, తమిళ భాషల్లో దర్శకుడిగా ప్రూవ్ చేసుకోవడంలో విఫలమైన ప్రకాష్. “మెంటల్ హై క్యా”తో హిందీలో ఏమేరకు నెగ్గుకొస్తాడో చూడాలి.
ఇకపోతే. ఈ చిత్రానికి కూడా ప్రకాష్ కోవెలమూడి సతీమణి కనికా థిల్లాన్ కథ సమకూర్చడం విశేషం. గతంలో ప్రకాష్ దర్శకత్వంలో తెరకెక్కిన “సైజ్ జీరో”కి కూడా కనికా కథ-స్క్రీన్ ప్లే అందించింది.
