‘జాతిరత్నాలు’ సినిమా ఎంత బాగుంది, ఎంత వసూలు చేసింది, ఎంత వసూలు చేస్తుంది లాంటివి నిర్మాతలు చూసుకుంటారు కానీ. మనం మాత్రం సినిమా థియేటర్‌ లోపల, బయట నటీనటులు పండిస్తున్న వినోదం చూసుకుంటే సరి. థియేటర్‌లోకి వెళ్తే వన్‌ లైనర్లు, ఎక్స్‌ప్రెషన్లతో నవీన్‌ పొలిశెట్టి, ప్రియదర్శి, రాహుల్‌ రామకృష్ణ తెగ నవ్వించారు. ఇంటికొచ్చి టీవీలు ఆన్‌ చేస్తే.. ఇంటర్వ్యూల్లో ఇంకా నవ్విస్తున్నారు. పోనీ సోషల్‌ మీడియాలో టైమ్‌ పాస్‌ చేద్దాం అంటే అక్కడా వారి దే హవా.
తాజాగా చిత్రబృందం ఓవర్సీస్‌ టూర్‌కి వెళ్లింది తెలుసుగా. దానికి రాహుల్‌ రామకృష్ణ వెళ్లలేదు. ఈ విషయంలో నవీన్‌ పొలిశెట్టి, ప్రియదర్శి మీద రాహుల్‌ ఆగ్రహం వ్యక్తం చేశాడు. ఈ మేరకు ఓ వీడియో కూడా పెట్టాడు. సరదాగా పెట్టిన ఆ వీడియోకు ప్రియదర్శి రిప్లై కూడా ఇచ్చాడు లెండి. ఇంతకీ ఏమైందంటే… ఓవర్సీస్‌ టూర్‌లో భాగంగా నవీన్‌ పొలిశెట్టి, ప్రియదర్శి కలసి న్యూజెర్సీ, టెక్సాస్‌, కాలిఫోర్నియా బే ఏరియా విజిట్‌ చేస్తున్నారు. దీనికి రాహుల్‌ వెళ్లలేదు. కారణాలు తెలియకపోయినా..
రాహుల్‌ అయితే ఓ వీడియో పెట్టాడు. అందులో నా దగ్గర పాస్‌పోర్టు లేకపోయినా పాన్‌కార్డు ఉంది.. నేను రాకుండా మీరు ఎందుకు వెళ్లిపోయారు అంటూ ఆగ్రహం వ్యక్తం చేశాడు. మీరు తిరిగి తిరిగి ఇక్కడికే వస్తారు కదా.. మీ సంగతి చూస్తా అంటూ వార్నింగ్‌ కూడా ఇచ్చాడు. ఇప్పుడు ఆ వీడియో వైరల్‌గా మారింది. దీనిని చూసిన ప్రియదర్శి కూడా రిప్లై వీడియో ఇచ్చాడు. అందులో అమెరికాలో రావాలంటే ఉండాల్సింది పాన్‌ కార్డు కాదు… రేషన్‌ కార్డు అంటూ ఫన్నీ రెస్పాన్స్‌ ఇచ్చాడు. దీంతో ఆ వీడియో కూడా వైరల్‌గా మారింది. మీరూ ఆ వీడియోలు చూసి నవ్వేసేయండి మరి. సెట్‌ అయిపోవాలంతే.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
