బంపర్ ఆఫర్ కొట్టేసిన రాహుల్ సిప్లిగంజ్..!

తెలుగులో ‘బిగ్ బాస్’ విన్నర్ గా నిలిచిన వారికి కానీ.. షోలో పాల్గొన్న కంటెస్టెంట్ లకు కానీ.. సీజన్ ముగిసాక అవకాశాలు రావు అనే సెంటిమెంట్ ఉండనే ఉంది. ‘బిగ్ బాస్ 1’ విన్నర్ అయిన తర్వాత శివ బాలాజీ ని పట్టించుకున్నవారే లేరు. ఆయనకి పెద్ద రేంజ్లో సపోర్ట్ చేసిన పవన్ కళ్యాణ్ ఫ్యాన్స్ సైతం చప్పుడు చెయ్యలేదు. ఇక ‘బిగ్ బాస్2’ కౌశల్ సంగతి అస్సలు చెప్పనక్కర్లేదు. సినిమాల్లో అవకాశాలు వస్తున్నాయి అని పలుసార్లు చెప్పుకున్నప్పటికీ .. తరువాత అడ్రెస్ లేడు. కానీ ‘బిగ్ బాస్ 3’ విన్నర్ రాహుల్ సిప్లిగంజ్ మాత్రం ఆ సెంటిమెంట్ ను బ్రేక్ చేసాడు.

ఈ కుర్ర సింగర్ తన మ్యూజిక్ ఆల్బమ్స్ చేసుకుంటూనే.. మరోపక్క సినిమాల్లో కూడా నటిస్తున్నాడు. చిన్న సినిమాల ప్రమోషనల్ ఈవెంట్ లకు కూడా ఈయన క్రేజ్ ను వాడుకుంటున్నారు చిన్న సినిమా హీరోలు, దర్శక నిర్మాతలు..! ఇదిలా ఉంటే.. రాహుల్ ఇప్పుడు ఏకంగా రజినీ కాంత్ సినిమాలో ఛాన్స్ కొట్టేసాడు .. అనే వార్తలు రావడంతో పెద్ద చర్చనీయాంశం అయ్యింది. ఇటీవల రజినీ కాంత్ తో తీసుకున్న ఓ ఫోటోని తన సోషల్ మీడియాలో షేర్ చేసాడు రాహుల్ సిప్లిగంజ్. అయితే రజినీ సినిమాలో పాట పాడుంటాడు. ఆ సమయంలో ఫోటో తీసుకుని ఉంటాడు అని కొందరు కామెంట్స్ చేస్తున్నారు. అయితే శివ డైరెక్షన్లో రజినీ నటిస్తున్న చిత్రంలో రాహుల్ సిప్లిగంజ్ కీలక పాత్ర పోషిస్తున్నట్టు ఇన్సైడ్ టాక్. ఇప్పటికే రాహుల్ … కృష్ణవంశీ డైరెక్షన్లో తెరకెక్కుతోన్న ‘రంగమార్తాండ’ చిత్రంలో కీలక పాత్ర పోషిస్తున్నాడు. ఒకవేళ రజినీ సినిమాలో కూడా రాహుల్ నటించేది నిజమైతే.. అతని క్రేజ్ డబుల్ అవ్వడం ఖాయమనే చెప్పాలి.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!
అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు