బిగ్ బాస్ షో తెలుగు విన్నర్ గా ఊహించని స్థాయిలో పాపులారిటీని సొంతం చేసుకున్న వాళ్లలో రాహుల్ సిప్లిగంజ్ ఒకరు. రాహుల్ సిప్లిగంజ్ వయస్సు ప్రస్తుతం 34 సంవత్సరాలు కాగా ఈ స్టార్ సింగర్ కాంగ్రెస్ పార్టీ నుంచి ఎమ్మెల్యేగా పోటీ చేస్తారని ప్రచారం జరుగుతోంది. గోషామహల్ సీటు నుంచి రాహుల్ సిప్లిగంజ్ పోటీ చేయనున్నారని వైరల్ అవుతున్న వార్తల సారాంశం. అయితే వైరల్ అవుతున్న వార్తలు తన దృష్టికి రావడంతో రాహుల్ సిప్లిగంజ్ స్పందించి వివరణ ఇచ్చారు.
తాను తెలంగాణ ఎన్నికల్లో కాంగ్రెస్ నుంచి పోటీ చేస్తున్నట్టు జరుగుతున్న ప్రచారంలో ఏ మాత్రం నిజం లేదని రాహుల్ చెప్పేశారు. తాను రాజకీయాల్లోకి రానని ఎమ్మెల్యేగా పోటీ చేయట్లేదని రాహుల్ క్లారిటీ ఇచ్చేశారు. నా గురించి ఎన్నో రూమర్లు సోషల్ మీడియాలో ప్రచారంలోకి వస్తున్నాయని ఆ వార్తలను నమ్మవద్దని రాహుల్ వెల్లడించారు. నేను అన్ని పార్టీల రాజకీయ నేతలను గౌరవిస్తానని రాహుల్ చెప్పుకొచ్చారు.
నేను ఆర్టిస్ట్, మ్యూజిషియన్ మాత్రమేనని ఆయన కామెంట్లు చేశారు. నా జీవితాన్ని కూడా ఆర్టిస్ట్, మ్యూజిషియన్ గా మాత్రమే కొనసాగిస్తానని క్లారిటీ ఇచ్చారు. నేను పొలిటికల్ ఎంట్రీ ఇస్తున్నట్టు జరుగుతున్న ప్రచారాన్ని ఇప్పటికైనా ఆపాలని కోరుకుంటున్నానని రాహుల్ సిప్లిగంజ్ అన్నారు. ప్రస్తుతం నా దృష్టి కెరీర్ పై మాత్రమే ఉందని నేను ఎమ్మెల్యేగా పోటీ చేయాలంటూ ఏ పార్టీ నుంచి ఆఫర్ రాలేదని రాహుల్ క్లారిటీ ఇచ్చేశారు. నేను ఎంచుకున్న రంగంలో సాధించాల్సింది చాలా ఉందని రాహుల్ వెల్లడించారు.
తన ఇన్ స్టాగ్రామ్ ఖాతా ద్వారా రాహుల్ (Rahul Sipligunj) ఈ పోస్ట్ చేయగా రాహుల్ పోస్ట్ కు 18 వేలకు పైగా లైక్స్ వచ్చాయి. రాహుల్ రాజకీయాల్లోకి వస్తే బాగుంటుందని ఆయన అభిమానులు సోషల్ మీడియా వేదికగా కామెంట్లు చేస్తున్నారు. మరి కొందరు మాత్రం రాహుల్ ను సపోర్ట్ చేస్తూ “పాలిటిక్స్ వద్దు పాటలు ముద్దు” అని కామెంట్లు చేస్తున్నారు. రాహుల్ కెరీర్ పరంగా మరిన్ని సక్సెస్ లను అందుకోవాలని ఆయన అభిమానులు ఆకాంక్షిస్తున్నారు.
గాండీవదారి అర్జున సినిమా రివ్యూ & రేటింగ్!
బెదురులంక 2012 సినిమా రివ్యూ & రేటింగ్!
కింగ్ ఆఫ్ కొత్త సినిమా రివ్యూ & రేటింగ్!
