ఖైదీ నెంబర్ 150 మూవీలో మెగాస్టార్ చిరంజీవి ద్వి పాత్రాభినయంతో ఆకట్టుకున్నారు. డ్యాన్సులతో అదరగొట్టారు. ఫైట్స్ తో పిచ్చెక్కించారు. ఈ చిత్రంలో ఒక పాటలో కనిపించినప్పటికీ యువత కిక్ ఇచ్చిన భామ రాయ్ లక్ష్మి. తన అందాలతో పాటు స్టెప్పులతో కైపెక్కించింది. వివి వినాయక్ దర్శకత్వంలో తెరకెక్కిన ఈ మూవీ లో రత్తాలు రత్తాలు పాట వస్తే థియేటర్ ఈలలు, చప్పట్లతో నిండి పోతోంది. అంతలా అలరిస్తున్న రాయ్ లక్ష్మి స్టైల్ చూద్దామన్నా బయట కనిపించదు. ప్రత్యేకంగా రత్తాలు పోస్టర్ విడుదల చేయలేదు.
సినిమా మొదట నుంచి మార్కెట్ స్ట్రాటజీని ఫాలో అవుతున్న నిర్మాత రామ్ చరణ్ తేజ్ పబ్లిసిటీ లోను తన స్టైల్ చూపించారు. కాబట్టి రత్తాలు పోస్టర్ ని మూవీ మూడో వారంలో రిలీజ్ చేసే అవకాశం ఉందని సినీ విశ్లేషకులు అంచనా వేస్తున్నారు. రెండో వారంలో కాజల్ పోస్టర్ ని, చిరు పోషించిన శంకర్ పాత్ర లుక్ ని విడుదల చేస్తారని భావిస్తున్నారు. మూడో వారంలో నెమ్మదించే కలెక్షన్లకు రత్తాలు పోస్టర్ బూస్ట్ అవుతుందని చెబుతున్నారు.
Also, do SUBSCRIBE to our YouTube channel to get latest Tollywood updates.
