‘ఏవమ్ జగత్’ మూవీ నుంచి ‘పండగ పండగంటే పండగ…’ సాంగ్ రిలీజ్

ప్రపంచీకరణ నేపధ్యంలో ఎన్నో కొత్త పరిశ్రమలు, ఉద్యోగాలు పుట్టుకొచ్చాయి. ఎంతో మంది తమ సొంత ఊర్లు విడిచి వివిధ రాష్ట్రాలు, దేశాలకు వెళ్లి స్థిరపడ్డారు. దీని వల్ల నిజంగా మన దేశం అభివృద్ధి చెందిందా..? మన కలాం గారి కల, విషన్ 2020 నెరవేరిందా..? ఇలాంటి ఆసక్తికర అంశాలతో తెరకెక్కుతున్న సినిమా ‘ఏవమ్ జగత్’. ఈ చిత్రాన్ని మార్స్ మూవీ ప్రొడక్షన్స్ పతాకంపై ముణిరత్నం నాయుడు ఎన్, రాజేశ్వరి ఎన్ నిర్మిస్తున్నారు. దినేష్ నర్రా దర్శకుడు. కిరణ్ గేయ, ప్రకృతివనం ప్రసాద్, రిటైర్డ్ బ్రిగేడియర్ గణేషమ్, ఇనయ సుల్తానా తదితరులు ప్రధాన పాత్రల్లో నటిస్తున్నారు. చిత్రీకరణ పూర్తి చేసుకున్న “ఏవమ్ జగత్” సినిమా ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. త్వరలో సినిమాను విడుదల చేసేందుకు సన్నాహాలు చేస్తున్నారు. ఈ నేపథ్యంలో ఈ సినిమాలో చిత్రీకరించిన రైతన్నల పాటను నిర్మాత రాజ్ కందుకూరి విడుదల చేశారు.

‘మంచు దుప్పటి తీసి సూరిడు వచ్చేరో..
లేలేత ఎండల్లో ఊరు మెరిసిందిరో…
ముంగిట్లో గొబ్బెమ్మ మురిసె చూసిందిరో.. అల్లుడొచ్చిన వేళ అమ్మాయి నవ్వేరో..

వచ్చిందీ పైరు లచ్చి వయ్యారంగా… ఊరంతా పచ్చదనం పరుచుకుపోగా
వచ్చిందీ పైరు లచ్చి వైభోగంగా… ఊరంతా పచ్చదనం పరుచుకుపోగా
పండగ పండగంటే పండగ…’’

అంటూ సాగే ఈ పాట, పంట చేతికి వచ్చిన సందర్భంలో ఊరంతా కలిసి పాడుకునే పండగ పాట‌

ఈ సందర్భంగా..దర్శకుడు దినేష్ నర్రా మాట్లాడుతూ ‘ఏవమ్ జగత్’ చిత్రం రైతులకు సంబంధించిన చిత్రం. వ్యవసాయం మన దేశానికి ప్రధానం అనేది అందరికీ తెలిసిందే. అలాంటి వ్యవసాయం భవిష్యత్తు ఏంటి..? రాబోయే తరానికి కావలసిన ఆహార అవసరాలు తీర్చేటంత సాగు భూమి కానీ, పండించగల అనుభవం కానీ మన దేశ యువతకి ఉందా..? ఇందులో టెక్నాలజీ పాత్ర ఏంటి..? అనే అంశాలను ప్రధానంగా ‘ఏవం జగత్’ మూవీలో చూపిస్తున్నాం. రైతులందరు ఎంతో హుషారుగా జరుపుకునే పండుగ సంక్రాంతిపై ఓ పాటను ఇందులో చూపిస్తున్నాం. అదే పాటను ఇప్పుడు విడుదల చేశాం. వ్యవసాయానికి మానవ సంబంధాలతో ముడిపడి ఉన్న అనేక ప్రశ్నలకు సమాధానం వెతికే ఒక 20 ఏళ్ల యువకుడి ( కమల్ ) కథే ‘ఏవం జగత్’. ఒక పల్లెటూరిలో సాగే ఈ కథలో, దేశ పరిస్థితులను, పురోగతికి అద్దం పట్టేలా కథా కథనాలు సాగుతాయి. ఎన్ని కష్టాలు ఎదురైనా అనుకున్నది సాధించడంలో కమల్ ఎలాంటి ప్రయత్నం చేశాడు అనేది ఆసక్తికరంగా ఉంటుంది. చివరికి తెలుసుకున్నది ఏంటి అనేది తప్పక చూడాలి. ‘ఏవం జగత్’ సినిమా చిత్రీకరణ పూర్తి అయ్యింది. ప్రస్తుతం నిర్మాణాంతర కార్యక్రమాలు జరుగుతున్నాయి. త్వరలోనే మూవీని మీ ముందుకు తీసుకొస్తాం. అన్నారు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!