నారా రోహిత్ ప్రస్తుతం ప్రదీప్ చిలుకూరి దర్శకత్వంలో ‘రాజా చెయ్యివేస్తే’ చిత్రంలో నటిస్తున్నాడు. నందమూరి తారకరత్న ఈ చిత్రంలో విలన్ గా కనిపించనున్నాడు. రీసెంట్ గా ఈ చిత్రం ట్రైలర్ విడుదలైంది. ఇదో యాక్షన్ డ్రామా జోనర్ కు సంబంధించిన సినిమా. హీరో విలన్ మధ్య జరిగిన పోరాటమే ఈ సినిమా. ట్రైలర్ మాత్రం చాలా ఆసక్తికరంగా కట్ చేశారు. ‘నీ బ్రెయిన్ ను గన్నులా వాడు.. అప్పుడే నీ ఆలోచనలు బుల్లెట్లలా దూసుకెళ్తాయ్’ , ‘నా నమ్మకం ప్రకారం వాడు చంపడానికి వస్తాడు.. కానీ వాడి జాతకం ప్రకారం చావడానికి వస్తాడు’… ‘ఇద్దరు ఆడే ఆటలో ఎవడో ఒకడే గెలుస్తాడు. గెలిచాడు కాబట్టి హీరో అనుకోవద్దు.. గెలిచాకే హీరో అవుతాడు’ ఇలాంటి పవర్ ఫుల్ డైలాగులతో ట్రైలర్ నిండిపోయింది. నారా రోహిత్, తారక రత్న కాంబినేషన్ లో వస్తోన్న సినిమా కావడంతో ప్రేక్షకుల్లో మంచి అంచనాలు ఏర్పడ్డాయి. ఈ సినిమాతో నారా రోహిత్ సక్సెస్ అందుకుంటాడేమో చూడాలి..!
