Vikram: మరో ప్రయోగానికి సీనియర్ హీరో రెడీ!

December 3, 2021 / 03:15 PM ISTByFilmy Focus

Join Us

Vikram: మరో ప్రయోగానికి సీనియర్ హీరో రెడీ!

కెరీర్ ఆరంభంలో చిన్న చిన్న సినిమాలు చేసిన విక్రమ్.. ఆ తరువాత స్టార్ హీరో రేంజ్ కి ఎదిగాడు. దర్శకుడు శంకర్ రూపొందించిన సినిమాలు విక్రమ్ స్థాయిని పెంచేశాయి. ‘అపరిచితుడు’ సినిమాతో విక్రమ్ ఫేమ్ పెరిగిపోవడంతో అప్పటినుంచి ప్రయోగాత్మక సినిమాలు చేయడానికి ఆసక్తి చూపిస్తున్నాడు ఈ హీరో. ఆయన నటిస్తోన్న సినిమాలన్నీ చాలా కొత్తగా ఉంటాయి. ఈ ప్రయోగాలన్నీ నటుడిగా విక్రమ్ రేంజ్ ని మరింత పెంచాయి. కమర్షియల్ గా సినిమాలు వర్కవుట్ కానప్పటికీ..

మంచి పేరు అయితే తీసుకొచ్చాయి. ప్రస్తుతం ఈ హీరో ‘దృవనక్షత్రం’, ‘కోబ్రా’, ‘మహాన్’, ‘పొన్నియన్ సెల్వన్’ వంటి సినిమాల్లో నటిస్తున్నాడు విక్రమ్. ఇవన్నీ సెట్స్ పైకి ఉండగా.. మరో సినిమాకి గ్రీన్ సిగ్నల్ ఇచ్చాడు. అది కూడా దర్శకుడు పా.రంజిత్ సినిమా కావడం విశేషం. కోలీవుడ్ లో రంజిత్ కి మంచి పేరే ఉంది. గతంలో ఆయన రజినీకాంత్ తో కలిసి ‘కబాలి’, ‘కాలా’ వంటి సినిమాలను రూపొందించారు.

ఇప్పుడు విక్రమ్ తో మరో ప్రయోగాత్మక సినిమా చేయడానికి రెడీ అవుతున్నాడు రంజిత్. ఈ మేరకు అఫీషియల్ అనౌన్స్మెంట్ కూడా వచ్చేసింది. ఈ సినిమాను జ్ఞానవేల్ రాజా నిర్మించనున్నారు. మరి ఈ సినిమాతో వీరిద్దరూ కమర్షియల్ సక్సెస్ అందుకుంటారేమో చూడాలి!