చిరంజీవిలోని గొప్ప ప్రతిభ గురించి బయటపెట్టిన రాజమౌళి

మెగాస్టార్ చిరంజీవిలోని డ్యాన్స్ టాలెంట్ గురించి అందరికీ తెలిసిందే. ఆయన నటనకు వచ్చిన అవార్డులు, రివార్డులు లెక్కలేన్నన్ని ఉన్నాయి. చిరులోని మరో ట్యాలెంట్ గురించి దర్శకధీరుడు ఎస్ ఎస్ రాజమౌళి బయటపెట్టారు. నిన్న హైదరాబాద్ లో మెగా స్టార్ చిన్న అల్లుడు, శ్రీజ భర్త కళ్యాణ్ దేవ్ తొలి మూవీ విజేత ఆడియో రిలీజ్ కార్యక్రమం వైభవంగా జరిగింది. మాళవిక నాయర్ హీరోయిన్ గా నటించిన ఈ చిత్ర టీజర్ సినిమాపై ఆసక్తిని తీసుకొచ్చింది. అర్జున్ రెడ్డి సినిమాకి నేపథ్య సంగీతాన్ని అందించిన హర్షవర్ధన్ రామేశ్వర్ ఈ చిత్రానికి ఇచ్చిన పాటలు అందరినీ ఆకట్టుకుంటున్నాయి. ఈ వేడుకలో రాజమౌళి మాట్లాడుతూ ” స్టోరీ జడ్జిమెంట్ విషయంలో చిరంజీవి గారిని ఎవరూ బీట్ చేయలేరు. మగధీర కథని అతనికి తొలిసారి చెప్పినప్పుడు..

తప్పకుండా విజయం సాధిస్తుందని నాకు చెప్పారు. అతను ఇచ్చిన కాన్ఫిడెన్స్ మరిచిపోలేనిది. ఆ తర్వాత విజేత కథని అతను నమ్మారు. ఇది తప్పకుండా విజయం సాధిస్తుంది.” అని చెప్పారు. రాకేష్ దర్శకత్వంలో తెరకెక్కిన ఈ సినిమాని సాయి కొర్రపాటి ఎక్కడా కాంప్రమైజ్ కాకుండా నిర్మించారు. వారాహి చ‌ల‌న‌చిత్ర బ్యాన‌ర్‌పై బ్యానర్లో అద్భుతమైన హిట్ గా నిలిచిన ఈగ జులై ఆరో తేదీన విడుదలయింది. అందుకే అదే రోజు విజేతని థియేటర్లోకి తీసుకు వస్తున్నారు. ఎన్నిరికార్డులను కొల్లగొడుతుందో చూడాలి.