బాహుబలి సినిమాతో రాజమౌళి పది మెట్లు పైకి ఎక్కారు. మంచి పేరుతో పాటు ఆర్ధికంగా నిలదొక్కుకున్నారు. తాజాగా కోటి రూపాయలు పెట్టి బిఎండబ్ల్యూ 7 సిరీస్ కారును కొనుగోలు చేశారు. ఇక బాహుబలి తర్వాత ఆయన చేయనున్న సినిమా ఏంటని అందరూ ఎదురుచూస్తున్నారు. ఈ విషయంపై ఆయన నోరు విప్పారు. రీసెంట్ గా ఓ కార్యక్రమంలో పాల్గొన్న రాజమౌళి తన నెక్స్ట్ ప్రాజక్ట్ గురించి చెప్పారు. తన తండ్రి విజయేంద్రప్రసాద్ ప్రస్తుతం ఓ ఎమోషనల్ సబ్జెక్ట్ రెడీ చేస్తున్నారని, స్ర్కిప్టు సిద్ధమైన తర్వాత…. నటీనటులు, టెక్నీషియన్స్ ఫైనల్ చేస్తామని వివరించారు.
ఈ సారి విజువల్ ఎపెక్ట్స్ జోలికి వెళ్లడం లేదని స్పష్టం చేశారు. అలా అని లో బడ్జెట్ మూవీ మాత్రం కాదని వివరించారు. ఎమోషన్స్ ని వెండితెరపై చూపించడంలో, ఆర్టిస్టుల నుంచి నటనను రాబట్టుకోవడం జక్కన్న కు బాగా తెలుసు. మరి ఆ నటీనటులెవరో, కథ ఎలా ఉంటుందో.. తెలుసుకోవాలని టాలీవుడ్ వర్గాలు, రాజమోళి అభిమానులు వెయిట్ చేస్తున్నారు.
Also, do SUBSCRIBE to our YouTube channel to get latest Tollywood updates.
