టాలీవుడ్ స్టార్ డైరెక్టర్లలో ఒకరైన రాజమౌళి ఆర్ఆర్ఆర్ సినిమాలోని నాటు నాటు సాంగ్ కు గోల్డెన్ గ్లోబ్ అవార్డ్ రావడంతో ఎంతగానో సంతోషిస్తున్నారు. ఈ సాంగ్ కు అవార్డ్ రావడం వల్ల మరోసారి ఆర్ఆర్ఆర్ మూవీ గురించి చర్చ జరగడంతో పాటు చాలామంది ఈ సినిమాకు ఆస్కార్ కూడా రావాలని కోరుకుంటున్నారు. జక్కన్న కష్టానికి తగ్గ ప్రతిఫలం ఇప్పుడిప్పుడే దక్కుతోందని కొంతమంది సోషల్ మీడియా వేదికగా అభిప్రాయం వ్యక్తం చేస్తుండటం గమనార్హం.
తాజాగా ఆర్ఆర్ఆర్ సీక్వెల్ గురించి మాట్లాడిన రాజమౌళి ఆసక్తికర వ్యాఖ్యలు చేశారు. ఆర్ఆర్ఆర్ మూవీ సీక్వెల్ కు సంబంధించి కొన్ని ఆలోచనలు ఉ న్నాయని జక్కన్న చెప్పుకొచ్చారు. ఈ సినిమాకు వచ్చిన రెస్పాన్స్ ను చూసిన తర్వాత సినిమా యూనిట్ తో మా నాన్నతో ఆర్ఆర్ఆర్ మూవీ సీక్వెల్ గురించి చర్చించానని రాజమౌళి కామెంట్లు చేయడం గమనార్హం. ఆ సమయంలో మాకు అద్భుతమైన ఆలోచన వచ్చిందని జక్కన్న తెలిపారు. ఆ ఆలోచన ఆధారంగా స్టోరీ రాయడం మొదలుపెట్టానని రాజమౌళి కామెంట్లు చేశారు.
ప్రస్తుతం మేము ఆ పనిలో ఉన్నామని అయితే ఆర్ఆర్ఆర్ సీక్వెల్ స్క్రిప్ట్ పూర్తయ్యే వరకు ఈ ప్రాజెక్ట్ విషయంలో ముందుకెళ్లడం మాత్రం సాధ్యం కాదని జక్కన్న కామెంట్లు చేశారు. యాక్షన్ సీన్ల సమయంలో ఏ హీరోను ఇబ్బంది పెట్టారనే ప్రశ్నకు రాజమౌళి స్పందిస్తూ నేను ఇద్దరు హీరోలలో ఎవరినీ ఇబ్బంది పెట్టలేదని అన్నారు. చరణ్, తారక్ లను చిన్నపిల్లల్లా చూసుకున్నానని రాజమౌళి పేర్కొన్నారు.
చరణ్ అక్కడే ఉండటంతో “నువ్వు ఈ విషయంలో కంప్లైంట్ చేయవద్దు” అంటూ జక్కన్న కామెంట్లు చేశారు. రాజమౌళి తర్వాత సినిమా మహేష్ హీరోగా తెరకెక్కనుండగా అతి త్వరలో ఈ సినిమా రెగ్యులర్ షూట్ మొదలుకానుంది. ఈ ఏడాది జూన్ లో ఈ సినిమా మొదలయ్యే అవకాశాలు ఉన్నాయని సమాచారం అందుతోంది.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
