Rajamouli: క్లాప్‌ కొట్టి… నెటిజన్ల ట్రోలింగ్‌కి గురైన రాజమౌళి!

చెప్పేది చేయాలి… చేసేది చెప్పాలి అంటుంటారు పెద్దలు. ఈ మాట అందరికీ వర్తిస్తుంది. అయితే సాధారణ జనాలు ఈ విషయాన్ని పట్టించుకోకపోతే ఎవరూ కేర్‌ చేయరు. కాని సెలబ్రిటీల విషయంలో మాత్రం ఈ లెక్క వేరేగా ఉంటుంది. నెటిజన్లు మాటల తూటాలు వదులుతుంటారు. తాజాగా ఇలాంటి మాటలు ఎదుర్కొంటున్నారు ప్రముఖ దర్శకుడు రాజమౌళి. ఇటీవల ఆయన ఓ సినిమా ముహూర్తపు షాట్‌కు క్లాప్‌ కొట్టారు. ఇప్పుడు చర్చంతా ఆ క్లాప్‌తోనే.

ప్రముఖ వ్యాపారవేత్త గాలి జనార్దన్‌ రెడ్డి తనయుడు గాలి కిరీటి సినిమా హీరోగా అరంగేట్రం చేసిన సంగతి తెలిసిందే. ఇటీవల ఈ సినిమా ముహూర్తం కార్యక్రమం ఘనంగా జరిగింది. తెలుగు, కన్నడ భాషల్లో ఈ సినిమాను తెరకెక్కిస్తున్నారు. సాయి కొర్రపాటి నిర్మిస్తున్నారు. ‘పెళ్ళిసందD’భామ శ్రీలీల కథానాయిక. మరో ముఖ్య పాత్రలో జెనీలియా నటిస్తోంది. ఈ సినిమా ఓపెనింగ్‌ను ఘనంగా నిర్వహించారు. ఈ క్రమంలో రాజమౌళి నటీనటుల మీద క్లాప్‌నిచ్చారు. మామూలుగా అయితే క్లాప్‌ కొట్టడం అనేది పెద్ద విషయం కాదు.

కానీ రాజమౌళి క్లాప్‌ కొట్టిన హీరో, ఈ సినిమాకు అంతా అతనే అని చెబుతున్న వ్యక్తి గురించే సమస్య. ఈ సినిమాకు నిర్మాత సాయి కొర్రపాటి అయినా… అంతా గాలి జనార్దన్‌ రెడ్డి వెనుక ఉండి చూసుకుంటారు అని అంటున్నారు. దాంతో ‘గాలి జనార్దన్‌ రెడ్డి లాంటి వ్యక్తికి చెందిన ఫంక్షన్‌కు మీరు వెళ్లడం ఏంటి’ అంటూ నెటిజన్లు రాజమౌళిని ప్రశ్నిస్తున్నారు. గాలి జనార్దన్‌ రెడ్డి అంటే మనకు ఠక్కున గుర్తొచ్చేది అతని మీదున్న అవినీతి ఆరోపణలు.

ఓబుళాపురం గనుల్లో అక్రమ మైనింగ్‌లకు పాల్పడ్డారని ఆయన మీద తీవ్ర ఆరోపణలు ఉన్నాయి. కేసు నమోదై జైలుకు కూడా వెళ్లారు. బెయిల్‌ కోసం జడ్జికి లంచం కూడా ఇవ్వజూపారు. దీంతో ఇబ్బందుల్లో పడ్డారు. అయితే ప్రస్తుతం ఆయన బెయిల్‌ మీదనే ఉన్నారు. అలాంటి వ్యక్తికి సంబంధించి సినిమాలకు రాజమౌళి వెళ్లడం ఏంటి అని నెటిజన్ల ప్రశ్న. ఒకప్పుడు అవినీతి వ్యతిరేక పోరాటంలో భాగంగా లోక్ సత్తాకు మద్దతు ఇచ్చి, ఆ పార్టీకి ప్రచారం కూడా చేశారు రాజమౌళి.

బిగ్ బాస్ నాన్ స్టాప్ 17మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!