దేశంలో బాహుబలి ఫీవర్ ఉంది. రేపు ఈ సినిమాని చూడాలని అభిమానులు టికెట్లకోసం బారులు తీరుతున్నారు. ఇలా అందరూ మెచ్చే సినిమాని తెరకెక్కించడానికి రాజమౌళి, అతని కుటుంబ సభ్యులు ఐదేళ్ల పాటు శ్రమించారు. ఈరోజు వరకు సినిమా ప్రచారంలో బిజీగా ఉన్న జక్కన్న రేపటితో ఫ్రీ అవుతారు. నెక్స్ట్ ఏంటి?, రేపటి నుంచి ఏమి చేస్తారు అని ప్రశ్న ఇప్పుడు అందరి నోటా నానుతోంది. అందుకు సమాధానం దొరికింది. జక్కన్న సినిమా విషయాలను పక్కన పెట్టి నెల రోజుల పాటు ఎంజాయ్ చేయనున్నట్లు తెలిసింది.
ఆసియాలో సంతోషకరమైన దేశంగా పేరొందిన భూటాన్ కు రాజమౌళి కుటుంబ సభ్యులతో కలిసి వెళ్లనున్నట్లు సమాచారం. ఆయన చాలా రోజులుగా భూటాన్ చూడలనుకుంటున్నారట.. అందుకే ఈ సారి హాలీడే ట్రిప్ ను అక్కడే ప్లాన్ చేశారని డైరక్టర్ కి అత్యంత సన్నిహితులు చెప్పారు. భూటాన్ నుంచి వచ్చిన తర్వాత తన తండ్రి విజయేంద్ర ప్రసాద్ రాసిపెట్టిన కథల్లో ఒక దానిని సెలక్ట్ చేసుకొని, ఆ కథకు సరిపోయే హీరోని, టెక్నీషియన్స్ ని ఎంపిక చేసుకునే పనిలో పడతారు.
Also, do SUBSCRIBE to our YouTube channel to get latest Tollywood updates.
