రాజమౌళి తాను తెరకెక్కించే సినిమా విషయంలో విశేషమైన జాగ్రత్తలు తీసుకొంటుంటాడు. సినిమాకి సంబంధించిన ఎలాంటి విషయాలు కూడా లీక్ అవ్వడం ఆయనకి ఇష్టం ఉండదు. అందుకే రాజమౌళి స్వయంగా విడుదల చేసేవరకూ లేదా చెప్పేవారకూ ఆయన సినిమాలకి సంబంధించిన ఎలాంటి విషయాలు బయటకి రావు. అందుకే ప్రస్తుతం “రంగస్థలం” ప్రమోషన్స్ లో బిజీగా ఉన్న రామ్ చరణ్ కి రాజమౌళి ఒక మెసేజ్ పెట్టాడట.
“పొరపాటున కూడా సినిమాకి సంబంధించిన ఎలాంటి డీటెయిల్స్ ఇప్పుడు చెప్పకు” అని సదరు మెసేజ్ సారాంశం. టీవి9 కి ఇంటర్వ్యూ ఇస్తున్నప్పుడు “ఆర్.ఆర్.ఆర్” విశేషాలేమిటి అని యాంకర్ అడిగినప్పుడు రామ్ చరణ్ ఈ విషయం చెప్పాడు. ఇకపోతే.. ఈ శుక్రవారం విడుదలవుతున్న “రంగస్థలం” సినిమా మీద విశేషమైన అంచనాలున్నాయి. సమంత కథానాయికగా నటిస్తున్న ఈ విలేజ్ పోలిటికల్ డ్రామాలో ఆది పినిశెట్టి ముఖ్యపాత్ర పోషిస్తుండగా.. జగపతిబాబు ప్లే చేస్తున్న నెగిటివ్ రోల్ సినిమాకి హైలైట్ అవ్వనుందట.
Home