రాజమౌళి మాటలను ఖండించిన శ్రీదేవి

అతిలోక సుందరిగా తెలుగువారు పిలుచుకునే నటి శ్రీదేవి తాజాగా మామ్‌ అనే సినిమా చేశారు. దీంతో 300 చిత్రాల మైలు రాయిని చేరుకున్నారు. ఈ మూవీ ప్రచారంలో భాగంగా ఆమె ఆసక్తికర విషయాలు చెప్పారు. ప్రధానముగా దర్శకధీరుడు రాజమౌళి తనపై మోపిన నిందలు అవాస్తమని స్పష్టం చేశారు. బాహుబలి సినిమాలో శివగామి పాత్రకు మొదట శ్రీదేవిని నటింపజేయాలని అనుకున్నామని, శ్రీదేవి అనేక నిబంధలు పెట్టడంతో రమ్యకృష్ణను తీసుకున్నట్లు అనేక సందర్భాల్లో రాజమౌళి చెప్పారు. దీనిపై శ్రీదేవి మాట్లాడుతూ “నేను బాహుబలి చిత్రంలో నటించడానికి పలు నిబంధనలను విధించానని  రాజమౌళి చెప్పడం హస్యాస్పదంగా ఉంది. నేను ఇప్పటివరకు 300 చిత్రాల్లో నటించాను. అలాంటి నిబంధనలు విధిస్తే నన్ను ఎప్పుడో సినిమా నుంచి పంపించేసే వారు” అని వివరించారు.

తానూ ఒక నిర్మాత భార్యానేనని, తనకూ నిర్మాతల కష్టాలు తెలుసు అని అన్నారు. తన గురించి రాజమౌళికెవరో తప్పుడు సమాచారం అందించారని శ్రీదేవి కోలీవుడ్ పత్రికలకు ఇచ్చిన ఇంటర్వ్యూ లో వెల్లడించారు. మరి దీనిపై రాజమౌళి ఏ విధంగా స్పందిస్తారో చూడాలి.

Also, do SUBSCRIBE to our YouTube channel to get latest Tollywood updates.