దర్శకధీరుడు ఎస్ ఎస్ రాజమౌళి తనయుడు కార్తికేయ, పూజ ప్రసాద్ ల నిశ్చితార్ధం కొన్ని రోజుల క్రితం వైభవంగా జరిగిన విషయం తెలిసిందే. వీరిద్దరూ డిసెంబర్ లో పెళ్లి పీటలు ఎక్కనున్నారు. అంతకముందే వీరిద్దరూ వార్తల్లో ఎక్కారు. దాంతో వారిమధ్య ప్రేమ ఎలా పుట్టింది? ఎప్పటి నుంచి ప్రేమలో ఉన్నారు? అనే విషయాలను నెటిజనులు ఆరాతీయడం మొదలెట్టారు. దీంతో అనేక విషయాలు బయటికి తెలిసాయి. కార్తికేయ, పూజల మధ్య ప్రేమ ఆరేళ్ళ క్రితమే పుట్టిందని సమాచారం. అప్పటి నుంచే ఒకరి గురించి ఒకరు పూర్తిగా తెలుసుకుంటూ పెద్దల అంగీకారం కోసం ఓపిగా ఎదురుచూసారట.
పేరెంట్స్ కూడా ఒకే చెప్పేవరకు ఆగి బయటికి వెల్లడించారు. అలాగే పెళ్లి గురించి కార్తికేయ వివరించారు. “పూజను కలవక ముందునుండే నాకు డెస్టినేషన్ వెడ్డింగ్ చేసుకోవాలని ఉండేది. అది బీచ్ అయినా కావచ్చు లేదా ఒక హిల్ స్టేషన్ అయినా కావచ్చు.. బీచ్ లొకేషన్లో ఉక్కబోత ఉండే వాతావరణం ఉంటుంది కాబట్టి హిల్ స్టేషన్ ను ఎంచుకునే అవకాశం ఉంది” అని వివరించారు. “ఇక డెస్టినేషన్ వెడ్డింగ్ అనగానే మీరు ఇటలీ లేదా ఇంగ్లాండ్ అని ఫిక్స్ కావద్దు. మనదేశంలోనే వేదిక ఉంటుంది” అని స్పష్టంచేశారు. సినిమాలను భారీగా తెరకెక్కించే రాజమౌళి తన కొడుకు పెళ్లిని ఎంత గ్రాండ్ గా చేస్తారోనని అందరూ ఎదురుచూస్తున్నారు.
