ఓ దర్శకుడి సినిమా ఓటీటీకి వచ్చేస్తోంది అనగానే కాస్త ఆసక్తి కనిపిస్తుంది. అలాంటిది రాజమౌళి సినిమానే ఓటీటీకి వచ్చేస్తోంది అంటే ఇంకెంత ఆసక్తి ఉండాలి చెప్పండి. ఏంటీ… రాజమౌళి ఓటీటీ కోసం సినిమా చేస్తున్నారా? అని ఆశ్చర్యపోతున్నారు. అయితే అది హాలీవుడ్‌ రేంజి సినిమా అని చెబితే… వావ్‌ కదా. అవును ‘బాహుబలి’తో మన సినిమాను ప్రపంచస్థాయికి తీసుకెళ్లిన జక్కన్న హాలీవుడ్‌ సినిమా డైరెక్ట్‌ చేయబోతున్నారట. ఈ విషయాన్ని ప్రముఖ రచయిత విజయేంద్ర ప్రసాద్‌ ఇటీవల ఓ టీవీ షోలో చెప్పారు.
మా అబ్బాయి రాజమౌళి ‘ఆర్‌ఆర్‌ఆర్‌’ తర్వాత రాజమౌళి ఓ హాలీవుడ్‌ సినిమా చేస్తున్నారు.. దానికి కథ కూడా సిద్ధం చేశా అని చెప్పారు విజయేంద్ర ప్రసాద్‌. లైవ్ యానిమేషన్‌ విధానంలో ఈ సినిమా తెరకెక్కిస్తారట. అయితే సినిమాను అంతర్జాతీయ ప్లాట్‌ఫామ్‌ మీద విడుదల చేస్తారట. అంటే ఓటీటీ కోసమే అని తెలుస్తోంది. భారతీయ కథాంశంతో ఆసక్తికరంగా ఈ కథను సిద్ధం చేశారట విజయేంద్ర ప్రసాద్‌. ఇక రాజమౌళి ఆలోచన, గ్రాండియర్‌, విజువల్‌ ఎఫెక్ట్స్‌ గురించి మనకు తెలిసిందే.
ఓ ప్రముఖ హాలీవుడ్‌ నిర్మాణ సంస్థ భాగస్వామ్యంతో ఈ ప్రాజెక్ట్‌ రూపొందనుందట. అయితే ఈ సినిమా ఎప్పుడు సెట్స్‌పైకి వెళ్లనుందన్నది తెలియాల్సి ఉంది. ప్రస్తుతం ‘ఆర్‌ఆర్‌ఆర్‌’ పనుల్లో రాజమౌళి బిజీగా ఉన్నారు. త్వరలో చిత్రీకరణ పునర్‌ ప్రారంభించి వీలైనంత త్వరగా పూర్తి చేయాలని చూస్తున్నారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
