Nani, Rajamouli: నాని సినిమాకి రాజమౌళి సపోర్ట్!

అడివి శేష్ హీరోగా ప్రశాంతి త్రిపురనేనితో కలిసి నాని నిర్మించిన సినిమా ‘హిట్2’. అన్ని కార్యక్రమాలు పూర్తి చేసుకున్న ఈ సినిమా డిసెంబర్ 2న రిలీజ్ కానుంది. ఈ సినిమాకి సంబంధించిన ప్రమోషన్స్ ను కూడా ఇప్పటికే మొదలుపెట్టారు. టీజర్, సాంగ్, ట్రైలర్ ఇలా ఒక్కొక్కటిగా ప్రేక్షకుల ముందుకు తీసుకొచ్చారు. ఇప్పుడు ప్రీ రిలీజ్ ఈవెంట్ ను నిర్వహించడానికి ప్లాన్ చేస్తున్నారు. దానికి సంబంధించిన పనులు జరుగుతున్నాయి. ఈ ఈవెంట్ కి గెస్ట్ గా దర్శకధీరుడు రాజమౌళి రాబోతున్నారని సమాచారం.

ప్రస్తుతం రాజమౌళి అమెరికా టూర్ లో ఉన్నారు. ఆస్కార్ రేసులో ఉన్న ‘ఆర్ఆర్ఆర్’ సినిమాను ప్రమోట్ చేసుకుంటూ హాలీవుడ్ దర్శకులను కలుస్తూ.. వారి నుంచి ప్రశంసలు అందుకుంటున్నారు. ఈ నెల 29న ఇండియాకు తిరిగి రానున్నారు. రాగానే నాని కోసం ‘హిట్2’ ఈవెంట్ లో పాల్గోనున్నారు. రాజమౌళితో నానికి ఉన్న రిలేషన్ గురించి తెలిసిందే. కుటుంబసభ్యుల్లా కలిసి ఉంటారు. రాజమౌళి దర్శకత్వంలో నాని ఒక సినిమా కూడా చేశారు.

అందుకే నాని అడిగిన వెంటనే అతడి సినిమాని సపోర్ట్ చేయడానికి ఒప్పుకున్నారు రాజమౌళి. అలానే ‘హిట్2’ నిర్మాతల్లో ఒకరైన ప్రశాంతి త్రిపురనేని రాజమౌళి టీమ్ మెంబర్. ఆ విధంగా ‘హిట్2’ ప్రమోట్ చేయడానికి రాజమౌళి ముందుకొచ్చారు. ఇదివరకు వచ్చిన ‘హిట్’ సినిమా ఎంత పెద్ద హిట్ అయిందో తెలిసిందే. ఇప్పుడు దానికి సీక్వెల్ గా ‘హిట్2’ రాబోతుంది. అయితే ఆ కథకి దీనికి ఎలాంటి సంబంధం ఉండదు.

ట్రైలర్ తో సినిమాపై అంచనాలు పెరిగిపోయాయి. ఇప్పుడు రాజమౌళి రాకతో మరిన్ని అంచనాలు పెరగడం ఖాయం. మరి సినిమాకి ఎలాంటి రెస్పాన్స్ వస్తుందో చూడాలి!

ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!

మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!