బాహుబలి (ది బిగినింగ్) చిత్రం విజయం జక్కన్న ఎస్.ఎస్. రాజమౌళి పై మరింత భాద్యతను పెంచింది. బాహుబలి – ది కంక్లూజన్ అభిమానుల అంచనాలకు అందకుండా తీయాలని శ్రమిస్తున్నారు. ఈ సినిమా క్లైమాక్స్ షూటింగ్ ను ఈ నెల 13 న మొదలు పెట్టనున్నారు. పది వారాల పాటు షూటింగ్ కొనసాగుతుంది. కత్తి ఫైట్లు, గుర్రపు స్వారీలలో నెల రోజుల సాధన తర్వాత ప్రభాస్, రానా, అనుష్క, తమన్నా, ఇతర నటీనటులు చిత్రీకరణలో పాల్గొననున్నారు.
రామోజీ ఫిలిం సిటీలో వేసిన భారీ సెట్స్ లో యుద్ధ సన్నివేశాలలో పాల్గొనే నటీనటులు ఎవరూ సెల్ ఫోన్లను తీసుకు రాకూడదని రాజమౌళి ఆర్డర్ వేసారు. బాహుబలి (ది బిగినింగ్) షూటింగ్ సమయంలో ఫోటోలు లీక్ అయ్యాయి. అప్పుడు జరిగిన పొరబాటు మళ్లీ జరగకూడదని ఆయన ఈ చర్య తీసుకున్నారు. ఎవరూ ఫోటోలు, వీడియోలూ తీయకూడదని రాజమౌళి టీం సభ్యులను హెచ్చరించారు. వచ్చే ఏడాది ఏప్రిల్ కి బాహుబలి – ది కంక్లూజన్ విడుదల చేయడానికి చిత్ర బృందం పక్కా ప్రణాళికతో పని చేస్తోంది.
