Rajinikanth: రజినీకాంత్ సాహసం చూశారా..?

కరోనా సెకండ్ వేవ్ కారణంగా తెలుగు, తమిళ, హిందీ భాషల్లో చాలా వరకు సినిమాల షూటింగ్ ఆపేశారు. తెలుగులో ‘ఆచార్య’, ‘సర్కారు వారి పాట’, ‘రాధేశ్యామ్’ లాంటి భారీ బడ్జెట్ సినిమాల షూటింగ్ కూడా ఆగిపోయింది. తమిళంలో, ఇతర భాషల్లో కూడా పరిస్థితి ఇలానే ఉంది. యంగ్ హీరోలు సైతం పరిస్థితి కంట్రోల్ ఆయిన తరువాత సినిమాల సంగతి చూద్దామని ఇంట్లోనే ఉంటున్నారు. ఇలాంటి సమయంలో సూపర్ స్టార్ రజినీకాంత్ సాహసం చేస్తుండడం ఆశ్చర్యాన్ని కలిగిస్తోంది.

ఆయన నటిస్తోన్న కొత్త సినిమా ‘అన్నాత్తే’ షూటింగ్ కొన్నాళ్లక్రితం ఆగిపోయింది. కానీ ఇప్పుడు కరోనా ఉధృతి పెరిగిన తరువాత షూటింగ్ చేస్తున్నారు. ప్రస్తుతం రామోజీ ఫిల్మ్ సిటీలో భారీ ఎత్తున షూటింగ్ నిర్వహిస్తున్నారు. దర్శకుడు శివ.. రజినీకాంత్ మీద ఓ భారీ యాక్షన్ ఎపిసోడ్ ను చిత్రీకరిస్తుండడం విశేషం. ఈ సన్నివేశంలో పెద్ద సంఖ్యలో చిత్రబృందం పాల్గొంటుంది. గతేడాది డిసెంబర్ లో రజినీకాంత్ హైదరాబాద్ లో ఈ సినిమా షూటింగ్ పాల్గొన్న సమయంలో యూనిట్ లో కొంతమందికి కరోనా సోకింది.

దీంతో రజినీకాంత్ కి కూడా టెస్ట్ లు చేశారు. ఆయనకి కరోనా రానప్పటికీ.. తీవ్ర పని ఒత్తిడితో అస్వస్థతకు గురయ్యారు. దీంతో రెండు రోజులు హాస్పిటల్ లోనే ఉంచి.. డిశ్చార్జ్ చేశారు. దీంతో ‘అన్నాత్తే’ షూటింగ్ కొన్ని నెలల పాటు వాయిదా పడింది. రీసెంట్ గానే మళ్లీ షూటింగ్ మొదలుపెట్టారు. సెట్లో వైద్య బృందాన్ని ఏర్పాటు చేసి.. ఎన్నో జాగ్రత్తలు తీసుకుంటూ రజినికెంత షూటింగ్ లో పాల్గొంటున్నారు. ఈ ఏడాది దీపావళికి సినిమాను రిలీజ్ చేస్తామని అనౌన్స్ చేశారు. అందుకే రజినీకాంత్ రిస్క్ తీసుకొని షూటింగ్ లో పాల్గొంటున్నారని తెలుస్తోంది.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!