కుమార్తె విషయంలో ఫలించించని రజనీకాంత్ ప్రయత్నాలు

చిన్న కుమార్తె కాపురం బాగుండాలని సౌత్ ఇండియన్ సూపర్ స్టార్ రజనీకాంత్ చేసిన ప్రయత్నాలు ఫలించలేదు. సౌందర్య విడాకులు తీసుకోవాలనే నిర్ణయంలో మార్పు తీసుకురాలేకపోయారు. చెన్నైకు చెందిన అశ్విన్‌ తో 2010లో సౌందర్యకు వివాహమైంది. వీరికి ఏడాదిన్నర వయసున్న బాబు ఉన్నాడు. వీరి మధ్య మనస్పర్థలు ఏర్పడ్డాయని, వేర్వేరుగా జీవిస్తున్నారని కొన్నిరోజుల కిందట వార్తలు గుప్పుమన్నాయి. ఆ వార్తల్లో నిజముందని, తాను ఒంటరిగా జీవిస్తున్నానని, అందుకు తన ఫ్యామిలీని ఇబ్బంది పెట్టవద్దని సౌందర్య సోషల్ మీడియాలో అభిమానులకు చెప్పుకున్నారు.

తాజాగా నిన్న (శుక్రవారం) భర్త అశ్విన్‌ నుంచి తనకు విడాకులు మంజూరు చేయాలని కోరుతూ చెన్నైలోని కుటుంబ న్యాయస్థానానికి సౌందర్య దరఖాస్తు చేసుకున్నారు. అప్లికేషన్ ని పరిశీలించిన న్యాయస్థానం వీరికి ఆరు నెలలు గడువు ఇస్తూ విచారణను వాయిదా వేసింది. ఈ కాలంలోనైనా మనసులు మారి ఒకటై సంసారాన్ని సాగిస్తారని రజనీ కుటుంబ సభ్యులతో పాటు, అభిమానులు ఆశిస్తున్నారు.

Also, do SUBSCRIBE to our YouTube channel to get latest Tollywood updates.