బాలచందర్ తెరకెక్కించిన ‘అపూర్వ రాగంగల్’ అనే చిత్రంలో రజినీకాంత్, కమల్ హాసన్ లు కలిసి నటించారు. అప్పటినుండే వీరిద్దరి మధ్య మంచి సాన్నిహిత్యం ఏర్పడింది. అయితే రీసెంట్ గా కమల్ హాసన్ ను కలవడానికి రజినీకాంత్ వెళ్ళగా.. కమల్ ను కలిసే అనుమతి రజినికి దొరకలేదు. అసలు విషయంలోకి వస్తే.. గత నెలలో కమల్ హాసన్ మెట్లపై నుండి జారీ పడ్డారు. ప్రస్తుతం ఆసుపత్రిలో చికిత్స పొందుతున్నారు.
ఈ విషయం తెలిసిన రజినికాంత్, కమల్ ను చూసేందుకు హాస్పిటల్ కు వెళ్లారు. అదే సమయంలో కమల్ కు ఆపరేషన్ జరుగుతుండడంతో ఆయన్ను కలవడం కుదరదని డాక్టర్స్ రజినికి చెప్పేశారు. దీంతో అక్కడి నుండి వెళ్ళిపోయిన రజిని ఫోన్లో కమల్ తో మాట్లాడినట్లు తెలుస్తోంది.
