రాజమౌళికి నో చెబుతున్న రజని ఫ్యాన్స్!

ఒక పక్క తమిళ సూపర్ స్టార్, మరో పక్క ఇండియన్ ఫిల్మ్ ఇండస్ట్రీ రికార్డ్ లను బద్దలు కొట్టి…ఓ సరికొత్త రికార్డ్ ని క్రియేట్ చేసిన దర్శక దీరుడు. వీళ్ళిద్దరూ ఒకటై సినిమా చేస్తే ఎలా ఉంటుంది? దుమ్ము రేగిపోతుంది కదా. అవును నిజమే రజనీకాంత్, రాజమౌళి కలిస్తే రికార్డుల ప్రభంజనానికి ఏమాత్రం డోకా ఉండదు. అయితే ఈ న్యూస్ వినడానికే మనకి అంత ఆనందంగా ఉంటే ఈ న్యూస్ నిజంగా నిజం అయితే భలే ఉంటుంది కదా. ఈ కలని నిజం చేసే ప్రయత్నం ఆల్‌రెడీ జరిగిందట. అసలు విషయం లోకి వెళితే, రాజమౌళి, సూపర్ స్టార్ రజనీకాంత్ తో సినిమా తీయాలని చూసాడట. ఇప్పటికే కోలీవుడ్ లో రాజమౌళి సౌత్ ఇండియా సూపర్ స్టార్ రజనీకాంత్ తో కలిసి పని చేసే అవకాశాలున్నట్టు సంకేతాలు కూడా వినబడుతున్నాయి. ఇక ఈ ప్రాజెక్ట్ పై నిర్మాతలు సైతం భారీగా ఇన్వెస్ట్ చేయటానికి రెడీగా ఉన్నారు అని సమాచారం. దీంతో ఈ ప్రాజెక్ట్ భారీ బడ్జెట్ తో తెరకెక్కనుందని అంటున్నారు.

ప్రస్తుతం శంకర్ దర్శకత్వంలో రోబో-2 చేస్తున్న రజనీకాంత్ తరువాత కొంత గ్యాప్ తీసుకొని రాజమౌళి దర్శకత్వంలో చేయనున్నారని అంటున్నారు. ఇంతవరకూ సూపర్, కానీ అసలు మ్యాటర్ ఏంటి అంటే, తమిళ తంబీల నుంచి వస్తున్న సమాచారం ప్రకారం, ఏ కాంబినేషన్ సెట్ కాదట, దానికి చాలా కారణాలు ఉన్నాయట. అసలు వీళ్ళిద్దరూ కలసి పని చెయ్యడం అసాధ్యం అట. ఇంతకీ ఎందుకు అంటే, ఒకసారి ఈ న్యూస్ చదవండి మీకే అర్ధం అవుతుంది. కోలీవుడ్ మీడియాలో స్పష్టంగా వినిపిస్తున్న మ్యాటర్ ప్రకారం, రాజమౌళి సినిమా అంటే హీరోని పూర్తిగా ఉపయోగించుకోవటమే అని, ముఖ్యంగా హీరోతో కొన్ని రిస్కీ షాట్స్ ని చేయిస్తాడు అని, హీరోకి అది కష్టం అనిపించినా చెయ్యక తప్పదు అని, అలాగే హీరోకి ఉన్న క్రేజ్ తో సంబంధం లేకుండా తన కథ ప్రకారం హీరో నటించాల్సి ఉంటుందని, దీని కారణంగా రజనీకాంత్ తన క్రేజ్ ని పక్కన పెట్టి రాజమౌళి మూవీలో నటించాలి కాబట్టి, దీనికి రజనీకాంత్ ఒప్పుకోడు కాబట్టి, వీళ్ళిద్దరి కాంబినేషన్ పట్టాలు ఎక్కడం కష్టం అట. అంతా బాగానే ఉంది కానీ, రోబో లాంటి సినిమానె చేస్తున్న రజనికి రాజమౌళి సినిమా ఒక లెక్క నిజంగా చెయ్యాలి అని ఆయన సంకల్పంతో ఉంటే, చూద్దాం ఏం జరుగుతుందో.

Also, do SUBSCRIBE to our YouTube channel to get latest Tollywood updates.