సౌత్ లో స్టార్ హీరోయిన్ గా రాణిస్తుంది నయనతార. ప్రస్తుతం సూపర్ స్టార్ రజినీకాంత్, మురుగదాస్ కాంబినేషన్లో తెరకెక్కుతున్న ‘దర్బార్’ చిత్రంలో నయన తారే హీరోయిన్. వీరిద్దరి కాంబినేషన్లో వచ్చిన గత చిత్రం ‘చంద్రముఖి మంచి హిట్టయ్యింది. ‘కథానాయకుడు’ ‘శివాజీ’ వంటి చిత్రాల్లో కూడా రజినీతో ఆడిపాడింది నయన్. వ్యక్తిగతంగా కూడా నయన్ తో రజిని మంచి సన్నిహితంగా మెలుగుతారు. అయితే తాజాగా నయన్ పై రజిని సీరియస్ అయ్యారట. దీనికి అసలు కారణం నయన్ బాయ్ ఫ్రెండ్ విగ్నేష్ అనే తెలుస్తుంది.
అసలు విషయంలోకి వెళితే… గతంలో నయనతార తన బోయ్ ఫ్రెండ్ విఘ్నేష్ ను రజనీ కు పరిచయం చేసిందట. రజనీతో ఓ సినిమా చేయాలని విఘ్నేష్ కు కోరికట. ఈ విషయం రజనీకి చెప్పగా… మంచి కథ దొరికితే.. చూద్దాం.. అని క్యాజువల్ గా చెప్పారట. దీంతో ‘దర్బార్’ షూటింగ్ సమయంలో ‘ఎప్పుడు కథ వింటారు..విఘ్నేష్ మంచి దర్శకుడు’ అంటూ రజనీకు ఖాళీ దొరికినప్పుడల్లా నయన్ చెప్తూ వస్తుందట. అక్కడితో ఆగకుండా విఘ్నేష్ డైరక్ట్ చేసిన సినిమాల డీవిడిలు సైతం ఇచ్చి చూడమని ఫోర్స్ చేస్తుందట. అయితే రజనీ అనేక విషయాలతో బిజీగా ఉండటం వలన విఘ్నేష్ తో సినిమా చేసే ఆలోచన ఇప్పట్లో లేదట. దీంతో నయన్ మళ్ళీ మళ్ళీ అదే టాపిక్ తీసుకురావడంతో రజనీకాంత్ ఆమె పై సీరియస్ అయ్యారట. ‘ప్రొఫెషనల్ విషయాల్లోకి పర్శనల్ లైఫ్ ని తీసుకురావద్దని …. నాకు అంతగా విఘ్నేష్ తో సినిమా చెయ్యాలనిపిస్తే పిలిపించి నేనే చేస్తాను… నాకు ఎవరి రికమండేషన్ అవసరం లేదు. అలాగే నువ్వు కూడా అలా చీటికి మాటకి పదే పదే అతని గురించే చెప్పకు. మాకు ఇబ్బంది గా ఉంటుంది’ అంటూ రజిని సీరియస్ అయ్యారని తెలుస్తుంది.
Home