సౌత్ ఇండియన్ సూపర్ స్టార్ రజినీ కాంత్ కు ఒకప్పుడు తెలుగులో విపరీతమైన ఫాలోయింగ్ ఉండేది. అదేంటి ఒకప్పుడు అనే మాట వాడుతున్నాడు.. ఇప్పుడు లేదా? అనే డౌట్ మీకు రావచ్చు. నిజానికి లేదు అనే మాటకంటే చాలా వరకు తగ్గిపోయింది అంటే కరెక్ట్ ఏమో. నిజమే ఒకప్పుడు రజినీ సినిమా రిలీజ్ అంటే తెలుగురాష్ట్రాల్లో కూడా పండుగ వాతావరణం ఏర్పడేది.అంతేకాకుండా మన స్టార్ హీరోల సినిమాలను కూడా తలదన్నేలా అవి ఉండేవి. కానీ కాలక్రమేణ అది తగ్గుతూ వస్తోంది.
‘కబాలి’ వరకు రజినీ క్రేజ్ ఇక్కడ బాగానే ఉంది. ఆ చిత్రం తెలుగులోనే రూ.22 కోట్ల వరకు షేర్ ను రాబట్టింది. కానీ అటు తర్వాత వచ్చిన ‘కాలా’ ‘పేట’ ‘దర్బార్’ వంటి సినిమాలు బాక్సాఫీస్ వద్ద ఘోరంగా ప్లాప్ అయ్యాయి. ‘2.0’ పూర్తిగా రజినీ సినిమా అనలేము.. శంకర్ ఇమేజ్ కూడా మిక్స్ అయ్యి ఉంది కాబట్టి..! ఇక ఇటీవల విడుదలైన ‘పెద్దన్న’ సినిమా అయితే మరీ ఘోరం. రజినీతో పాటు కీర్తి సురేష్, నయనతార వంటి స్టార్ క్యాస్ట్ ఉన్నా.. జనాలు ఈ చిత్రాన్ని చూడడానికి థియేటర్లకు వెళ్లలేకపోయారు.
రూ.12 కోట్లకు బయ్యర్స్ ఈ చిత్రాన్ని కొనుగోలు చేస్తే కనీసం ఇంకా రూ.4 కోట్ల షేర్ ను కూడా వసూల్ చేయలేకపోయింది.ప్రమోషన్లు లేకనో లేక మిక్స్డ్ టాక్ వల్లనో ఈ సినిమాని జనాలు పట్టించుకోలేదు. చెప్పాలంటే ‘కబాలి’ ‘కాలా’ అంత ఘోరంగా అయితే ‘దర్బార్’ కానీ ‘పెద్దన్న’ కానీ లేవు. దీనిని బట్టి రజినీ సినిమాలను తెలుగు ప్రేక్షకులు పూర్తిగా పక్కనపెట్టేశారా అనే అనుమానాలు కూడా వ్యక్తమవుతున్నాయి. .
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
Home