షూటింగులో తనాకెలాంటి దెబ్బలు తగల్లేదని క్లారిటీ ఇచ్చిన రజనీ

ప్రధాన మంత్రి మోడీ అనంతరం “మ్యాన్ వెర్సెస్ వైల్డ్” ప్రోగ్రామ్ ఎపిసోడ్ షూట్ చేస్తున్న వ్యక్తి రజనీకాంత్. ప్రస్తుతం ఈ షూటింగ్ కర్ణాటకలోని బండిపూర్ ఫారెస్ట్ లో జరుగుతోంది. నిన్న ఒక ఎపిసోడ్ పూర్తవ్వగా.. ఇవాళ మరో ఎపిసోడ్ షూటింగ్ జరగనుంది. ఈ విషయం నిన్న సంచలనం సృష్టించిన కొన్ని గంటల్లోనే.. షూటింగ్లో రజనీ గాయపడ్డారని ఆయన మోకాలికి దెబ్బ తగిలిందని వార్తలు హల్ చల్ చేశాయి. దాంతో రజనీ అభిమానులు ఆ వార్తలు నిజమే అనుకోని రజనీ ఆరోగ్య విషయంలో గాబరాపడ్డారు.

దాంతో రజనీ & టీం వెంటనే స్పందించి.. మొదటి రోజు షూటింగ్ చాలా బాగా జరిగిందని.. ముళ్ళు తగిలి అయిన చిన్నపాటి గాయాలు తప్ప తనకు ఎలాంటి దెబ్బలు తగల్లేదని క్లారిటీ ఇచ్చారు. ఇవాళ షూటింగ్ తో ఈ కార్యక్రమం ముగియనుంది. రజనీకాంత్ ప్రస్తుతం శివ దర్శకత్వంలో ఒక సినిమా చేస్తున్నారు. ఈ సినిమా అనంతరం “ఖైదీ” ఫేమ్ లోకేష్ దర్శకత్వంలో మరో సినిమా చేయడానికి రెడీ అవుతున్నారు రజనీకాంత్.

డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!