సూపర్ స్టార్ రజినీకాంత్ రాజకీయాల్లో బిజీ అవుతారని అభిమానులు ఆశించారు. కానీ ఆయన ఆరోగ్యం సహకరించకపోవడంతో ఆయన పార్టీ పెట్టకుండానే పాలిటిక్స్ నుంచి తప్పుకున్నారు. ఇప్పుడు వరుస సినిమాలను లైన్ లో పెడుతున్నారు. ప్రస్తుతం నెల్సన్ కుమార్ దర్శకత్వంలో ‘జైలర్’ అనే సినిమాలో నటిస్తున్నారు రజినీకాంత్. వచ్చే ఏడాదిలో ఈ సినిమా ప్రేక్షకుల ముందుకు రానుంది. ఇదిలా ఉండగా… తాజాగా రజినీకాంత్ రెండు సినిమాలు ఒప్పుకున్నట్లు తెలుస్తోంది. ప్రముఖ నిర్మాణ సంస్థ లైకా ప్రొడక్షన్స్ తో రజినీకాంత్ ఓ డీల్ చేసుకున్నారు.
ఈ ప్రొడక్షన్ హౌస్ తో రజినీకాంత్ కి మంచి బాండింగ్ ఉంది. ఇదివరకు రజినీకాంత్ నటించిన ‘2.ఓ’ సినిమాను ఈ బ్యానర్ లోనే నిర్మించారు. అలానే ఈ బ్యానర్ లో ఎన్నో భారీ బడ్జెట్ సినిమాలను తెరకెక్కించారు. ఇప్పుడు రజినీకాంత్ తో రెండు సినిమాలు చేసేలా డీల్ కుదుర్చుకున్నారు. ఒక్కసారి దర్శకులు ఫైనల్ అయితే ఈ ప్రాజెక్ట్స్ ను అఫీషియల్ గా అనౌన్స్ చేయనున్నారు. ప్రస్తుతం ఈ బ్యానర్ లో కొన్ని భారీ సినిమాలను నిర్మిస్తున్నారు.
అక్షయ్ కుమార్ ప్రధాన పాత్రలో ‘రామ్ సేతు’, పి.వాసు దర్శకత్వంలో ‘చంద్రముఖి2’ అలానే మణిరత్నం ‘పొన్నియిన్ సెల్వన్2’ సినిమాలను లైకా ప్రొడక్షన్స్ టేకప్ చేసింది. వీటితో పాటు కమల్ హాసన్, శంకర్ ‘ఇండియన్2’ సినిమా కూడా ఉంది. వచ్చే ఏడాదిలో ఈ సినిమా విడుదల కానుంది.
ఇప్పుడు ఈ క్రేజీ ప్రాజెక్ట్స్ తో పాటు రజినీకాంత్ తో మరో రెండు సినిమాలు నిర్మించబోతోంది. ఈ రెండు సినిమాలను కూడా భారీ బడ్జెట్ తో నిర్మించబోతున్నారు. త్వరలోనే ఈ ప్రాజెక్ట్స్ పై క్లారిటీ రానుంది.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
