రజినీ ఆరోగ్యంపై అభిమానుల్లో టెన్షన్!

November 23, 2020 / 12:52 PM ISTByFilmy Focus

Join Us

సూపర్ స్టార్ రజినీకాంత్ అనారోగ్యం పాలయ్యారు. ఆయన మరోసారి అస్వస్థతకు గురైనట్లు కుటుంబ సభ్యులు చెప్పారు. ఇటీవల కుటుంబంతో కలిసి దీపావళి సెలబ్రేషన్స్ చేసుకున్న రజినీకాంత్ కి ఉన్నట్టుండి ఆరోగ్యం పాడైంది. రెండు రోజులుగా తీవ్రమైన జ్వరంతో బాధపడుతున్న ఆయన్ని కుటుంబ సభ్యులు చెన్నైలోని ఓ హాస్పిటల్ లో జాయిన్ చేశారు. రజినీను పరీక్షించిన వైద్యులు ఆయన ఆరోగ్యానికి ఎలాంటి ప్రమాదం లేదని తెలిపారు. కేవలం వైరల్ ఫీవర్ మాత్రమేనని.. కరోనా లాంటిది లేదని వెల్లడించారు.

రజినీ ఆరోగ్యం సరిగ్గా లేదని తెలుసుకున్న అభిమానులు కంగారు పడుతున్నారు. ఈ మధ్యకాలంలో ఆయన చాలా సార్లు అస్వస్థతకు గురయ్యారు. అనారోగ్యంతో బాధ పడుతున్నారు. అందుకే ఆ మధ్యన ఫారెన్ కి వెళ్లి నెలల పాటు అక్కడే ఉండి ట్రీట్మెంట్ తీసుకొని వచ్చారు. ఆ తరువాత కొన్ని రోజుల పాటు ఆయన బాగానే ఉన్నారు. అప్పుడప్పుడు అనారోగ్యం పాలవుతున్నప్పటికీ వెంటనే కోలుకుంటున్నారు. ఇప్పుడు మరోసారి ఆయన ఆరోగ్యం దెబ్బతినడంతో ఫ్యాన్స్ టెన్షన్ పడుతున్నారు.

ఆరోగ్యం సరిగ్గా లేనందునే రజినీ కూడా సినిమాల సంఖ్య తగ్గించేశారు. ఆయన నటిస్తోన్న ‘అన్నాత్తై’ సినిమాను ముందుగా సంక్రాంతికి విడుదల చేయాలనుకున్నారు కానీ కరోనా కారణంగా సినిమా షూటింగ్ వాయిదా పడింది. రజినీ కూడా షూటింగ్ లో పాల్గొనే ఛాన్స్ లేదు. కాబట్టి వచ్చే ఏడాది వేసవి తరువాత సినిమాను విడుదల చేయాలని చూస్తున్నారు.