Rajkumar Hirani, Shah Rukh Khan: హిరానీతో షారుఖ్.. ఫ్యాన్స్ కు పండగే!

July 26, 2021 / 12:17 PM ISTByFilmy Focus

Join Us

Rajkumar Hirani, Shah Rukh Khan: హిరానీతో షారుఖ్.. ఫ్యాన్స్ కు పండగే!

ఇండియాలో ఉన్న టాలెంటెడ్ దర్శకుల్లో రాజ్ కుమార్ హిరానీ ఒకరు. గతంలో ఆయన తీసిన ‘మున్నాభాయ్ ఎంబీబీఎస్’, ‘మున్నాభాయ్ లగేరహో’, ‘త్రీ ఇడియట్స్’, ‘పీకే’, ‘సంజు’ ఇలా ఆయన తీసిన సినిమాలన్నీ భారీ విజయాలను నమోదు చేశాయి. ‘సంజు’ సినిమా తరువాత మున్నాభాయ్ సిరీస్ లో మూడో సినిమా వస్తుందని అనుకున్నారు కానీ అది వర్కవుట్ కాలేదు. అయితే ఇప్పుడు షారుఖ్ ఖాన్ తో ఆయన ఓ సినిమా చేయబోతున్నట్లు సమాచారం.

ఈ మధ్యకాలంలో వరుస ప్లాప్ లతో ఇబ్బంది పడుతున్నాడు షారుఖ్. ప్రస్తుతం ఆయన ‘పఠాన్’ ఏం సినిమాలో నటిస్తున్నాడు. ఇది పూర్తి కాగానే ఈ ఏడాది చివర్లో హిరానీతో సినిమాను పట్టాలెక్కిచాలని ప్లాన్ చేస్తున్నారు. ఈ సినిమాలో షారుఖ్ తో పాటు ఎవరెవరు నటించనున్నారనే విషయంలో చాలా మంది పేర్లు వినిపిస్తున్నాయి. షారుఖ్ ఎవర్ గ్రీన్ జోడీ కాజోల్ ఇందులో కీలకపాత్ర పోషించనుందట. అలానే మనోజ్ బాజ్‌పేయి, బొమన్ ఇరానీ, విద్యాబాలన్, తాప్సి లాంటి స్టార్లు ఇందులో ముఖ్య పాత్రలు పోషిస్తారట.

ఇంతమంది టాలెంటెడ్ ఆర్టిస్ట్ లతో రాజ్ కుమార్ హిరానీ ఎలాంటి సినిమా చేయబోతున్నారనే విషయం ఆసక్తి రేకెత్తింతుంది. ఇంకా ఈ సినిమాకి సాంకేతిక నిపుణులు ఎవరనేది ఖరారవ్వలేదు. సందేశం ఉన్న కథలను వినోదాత్మకంగా చెప్పడం హిరానీ స్టైల్. మరి షారుఖ్ తో ఎలాంటి కథను ప్లాన్ చేశారో చూడాలి!