‘రాక్షసుడు’ ఇక కష్టమేనేమో ..!

బెల్లంకొండ సాయి శ్రీనివాస్ నటించిన తాజా చిత్రం ‘రాక్షసుడు’. తమిళంలో సూపర్ హిట్టయిన ‘రాట్ససన్’ చిత్రానికి ఇది రీమేక్. ‘రైడ్’ ఫేమ్ రమేష్ వర్మ డైరెక్షన్లో రూపొందిన ఈ చిత్రం ఆగష్టు 2 న (రేపు) విడుదలయ్యింది. మొదటి షో తోనే సూపర్ హిట్ టాక్ ను సొంతం చేసుకుంది. ఎట్టకేలకు బెల్లంకొండ ఓ హిట్టు కొట్టాడని ప్రేక్షకులు ప్రశంసలు కురిపిస్తున్నారు. సూపర్ హిట్ టాకైతే బాగుంది కానీ… కలెక్షన్లు మాత్రం ఆశించిన స్థాయిలో రావట్లేదు. ఇక నిన్న ‘మన్మధుడు2’ రాకతో కలెక్షన్లు మరింత డ్రాప్ అయ్యాయి.

‘రాక్షసుడు’ మొదటి వారం ఏరియా వైజ్ కలెక్షన్ల వివరాలు ఈ విధంగా ఉన్నాయి :

నైజాం – 3.15 కోట్లు
సీడెడ్ – 1.07 కోట్లు
వైజాగ్ – 1.12 కోట్లు

ఈస్ట్ – 0.58 కోట్లు
వెస్ట్ – 0.44 కోట్లు
కృష్ణా – 0.61కోట్లు

గుంటూరు – 0.61 కోట్లు
నెల్లూరు – 0.24 కోట్లు
———————————————————
నైజాం + ఏపీ (టోటల్) – 7.82 కోట్లు

రెస్ట్ అఫ్ ఇండియా – 0.65 కోట్లు
ఓవర్సీస్ – 0.30 కోట్లు
————————————————————-
వరల్డ్ వైడ్ (టోటల్) – 8.77 కోట్లు( షేర్)
————————————————————–

‘రాక్షసుడు’ చిత్రానికి 16 కోట్ల వరకూ ప్రీ రిలీజ్ బిజినెస్ జరిగింది. మొదటి వారం పూర్తయ్యేసరికి ఈ చిత్రం 8.77 కోట్ల షేర్ ను మాత్రమే రాబట్టింది. ఈ చిత్రం బ్రేక్ ఈవెన్ కావాలంటే మరో 8 కోట్ల వరకూ షేర్ ను రాబట్టాల్సి ఉంది. అంటే ఇంకా సగం పైనే అన్నమాట. ఇప్పుడున్న పరిస్థితుల్లో అది జరిగే పని కాదని తెలిసిపోతుంది. ప్లాప్ హీరో.. ప్లాప్ డైరెక్టర్ కాంబినేషన్ వల్ల సూపర్ హిట్ టాక్ వచ్చినా కలెక్షన్లు రావట్లేదు. అందులోనూ ప్రమోషన్లు కూడా పెద్దగా నిర్వహించలేదు. కనీసం ఈ చిత్రం బెల్లంకొండ డిజాస్టర్ చిత్రాలలో ఒకటైన ‘సాక్ష్యం’ కలెక్షన్లను అయినా అధిగమిస్తుందా అనే అనుమానం కలుగుతుంది. ఈసారి ఎంత హిట్ టాక్ వచ్చినా బెల్లంకొండ క్యాష్ చేసుకోలేకపోయాడనే చెప్పాలి.