ఇంకా 50 శాతం కూడా రికవరీ కాలేదు బెల్లంబాబు ..!

ఇండస్ట్రీకి వచ్చి ఐదేళ్ళు పూర్తి కావస్తున్నా ఇప్పటివరకూ సరైన హిట్టందుకోలేకపోయాడు బెల్లంకొండ సాయి శ్రీనివాస్. ‘అల్లుడు శీను’ ‘జయ జానకి నాయక’ వంటి సినిమాలు పర్వాలేదనిపించినా అవి డైరెక్టర్ల అకౌంట్ లోకి వెళ్ళిపోయాయి. ఆ తరువాత చేసిన ‘సాక్ష్యం’ ‘కవచం’ ‘సీత’ వంటి చిత్రాలు కూడా డిజాస్టర్లుగా మిగిలాయి. దీంతో ఎలాగైనా హిట్టందుకోవాలని .. తమిళంలో సూపర్ హిట్టయిన ‘రాట్ససన్’ రీమేక్ ను ఎంచుకున్నాడు. ‘రైడ్’ ఫేమ్ రమేష్ వర్మ డైరెక్షన్లో రూపొందిన ఈ చిత్రం ఆగష్టు 2 న (రేపు) విడుదలయ్యింది. మొదటి షో తోనే సూపర్ హిట్ టాక్ ను సొంతం చేసుకుంది. ఎట్టకేలకు బెల్లంకొండ ఓ హిట్టు కొట్టాడని ప్రేక్షకులు ప్రశంసలు కురిపిస్తున్నారు. సూపర్ హిట్ టాకైతే బాగుంది కానీ… తెలుగు రాష్ట్రాల్లో ఎడతెగకుండా వర్షాలు కారణంగా ‘రాక్షసుడు’ చిత్రానికి డీసెంట్ ఓపెనింగ్స్ మాత్రమే వస్తున్నాయి.

‘రాక్షసుడు’ ఏరియా వైజ్ ఫస్ట్ వీకెండ్ కలెక్షన్ల వివరాలు ఈ విధంగా ఉన్నాయి :

నైజాం – 2.30 కోట్లు
సీడెడ్ – 0.85 కోట్లు
వైజాగ్ – 0.86 కోట్లు

ఈస్ట్ – 0.41 కోట్లు
వెస్ట్ – 0.31 కోట్లు
కృష్ణా – 0.44 కోట్లు

గుంటూరు – 0.51 కోట్లు
నెల్లూరు – 0.17 కోట్లు
———————————————————
నైజాం + ఏపీ (టోటల్) – 5.85 కోట్లు

రెస్ట్ అఫ్ ఇండియా – 0.55 కోట్లు
ఓవర్సీస్ – 0.25 కోట్లు
————————————————————-
వరల్డ్ వైడ్ (టోటల్) – 6.65 కోట్లు( షేర్)
————————————————————–

‘రాక్షసుడు’ చిత్రానికి 16 కోట్ల వరకూ ప్రీ రిలీజ్ బిజినెస్ జరిగింది. వీకెండ్ పూర్తయ్యేసరికి ఈ చిత్రం 6.65 కోట్ల షేర్ ను మాత్రం రాబట్టింది. ఈ చిత్రం బ్రేక్ ఈవెన్ కావాలంటే మరో 10 కోట్ల వరకూ షేర్ ను రాబట్టాల్సి ఉంది. ఇక ఈ రోజు నుండీ ఈ చిత్రానికి అసలు పరీక్ష మొదలు కానుంది. వీక్ డేస్ లో కూడా ఈ చిత్రం కచ్చితంగా రాణించాల్సిన పరిస్థితి ఏర్పడింది. ఎందుకంటే మరో 4 రోజుల్లో ‘మన్మధుడు2’ వచ్చేస్తుంది. ఈలోపే ‘రాక్షసుడు’ క్యాష్ చేసుకోవాల్సి ఉంది.