“‘ఛలో’ సినిమాతో తెలుగు ప్రేక్షకులకు పరిచయమైన కన్నడ నటి రష్మిక. దీని తర్వాత ఆమె విజయ్‌ దేవరకొండ ‘గీత గోవిందం’లో నటించారు. ఇప్పటి వరకూ విడుదలైన ఈ సినిమా టీజర్‌, ట్రైలర్‌, పాటలకు విశేష స్పందన లభించింది. ఈ మూవీ సెన్సార్ పూర్తి చేసుకొని ఆగస్టు 15న రిలీజ్ కి సిద్ధమైంది. రష్మిక, కన్నడ నటుడు రక్షిత్ శెట్టి ప్రేమలో ఉన్న సంగతి తెలిసిందే. కన్నడలో ఇద్దరు కలిసి ‘కిరిక్‌ పార్టీ’ సినిమాలో నటించారు. ఈ సినిమా సమయంలో వీరి మధ్య స్నేహం ఏర్పడింది, అది ప్రేమగా మారింది. పెద్దల అంగీకారంతో 2017లో వీరి నిశ్చితార్థం జరిగింది. అయితే వీరిద్దరి మధ్య గొడవలు వచ్చాయని, రక్షిత్ కంటే కెరీర్ కే రష్మిక విలువ ఇస్తుండడంతో నిశ్చితార్థం రద్దు అయిందని గత రెండు రోజులుగా వార్తలు గుప్పుమన్నాయి. ఈ వార్తలపై రష్మిక పీఆరో స్పందించారు. “మొన్నే ఇద్దరు (రష్మిక, రక్షిత్) కలిసి బెంగళూరులో ఓ కార్యక్రమానికి హాజరయ్యారు.
“ఇటీవల ఓ సినిమా ప్రీమియర్‌కు కూడా వెళ్లారు. నిశ్చితార్థం రద్దు అయ్యిందనే ప్రచారంలో నిజం లేదు. వాళ్లిద్దరి ప్రేమ గొప్పది. ఒకరిపై ఒకరు అంతే ఇష్టంతో ఉన్నారు” అని జాతీయ మీడియాకి స్పష్టం చేశారు. దీంతో రక్షిత్, రష్మిక మధ్య దూరం పెరగలేదని తెలిసింది. రష్మిక తెలుగులో “గీత గోవిందం”తో పాటు “డియర్‌ కామ్రేడ్‌” సినిమా చేస్తోంది. నాగ్, నాని మల్టీస్టారర్ సినిమా “దేవదాస్‌”లోనూ నాని సరసన నటిస్తోంది. కన్నడ చిత్రం “వృత్ర” సినిమాకి సంతకం చేసింది. గౌతమ్‌ అయ్యర్‌ దర్శకత్వంలో రూపుదిద్దుకుంటున్న ఈ చిత్రంలో రష్మిక ఇన్వెస్టిగేటివ్‌ ఆఫీసర్‌ రోల్‌ చేస్తోంది. ఈ నాలుగు సినిమాల తర్వాత పెళ్లి చేసుకునే అవకాశం ఉంది.
Home