రష్మిక, రక్షిత్ ల ట్వీట్లు వైరల్!

December 26, 2020 / 02:55 PM ISTByFilmy Focus

Join Us

కన్నడ బ్యూటీ రష్మిక నటించిన మొదటి సినిమా ‘కిరిక్ పార్టీ’ మంచి సక్సెస్ ను అందుకుంది. ఈ సినిమాలో నటిస్తున్న సమయంలోనే చిత్ర కథానాయకుడు, నిర్మాత అయిన రక్షిత్ శెట్టిని ప్రేమించింది రష్మిక. సినిమా రిలీజైన తరువాత అతడితో నిశ్చితార్ధం చేసుకొని పెళ్లికి రెడీ అయిపోయింది. కెరీర్ ఆరంభంలోనే ఓ హీరోయిన్ ఇలా చేస్తుండడంతో అప్పట్లో వీరి పెళ్లి హాట్ టాపిక్ అయింది. అయితే వీరి ప్రేమ కథ ఎక్కువ రోజులు కొనసాగలేదు. ఎంగేజ్మెంట్ అయితే చేసుకున్నారు కానీ పెళ్లి మాత్రం జరగలేదు.

రెండేళ్లు తిరిగేసరికి ఇద్దరూ విడిపోయారు. బ్రేకప్ తరువాత ఒకరి గురించి మరొకరు మాట్లాడడం మానేశారు. మొన్నామధ్య రష్మిక ఓ ఇంటర్వ్యూలో రక్షిత్ చాలా మంచి అబ్బాయి అంటూ చెప్పడం ఆసక్తి రేకెత్తించింది. ఇప్పుడు సోషల్ మీడియాలో వీరిద్దరి మధ్య సంభాషణ జరిగింది. ‘కిరిక్ పార్టీ’ సినిమాలో సూపర్ హిట్ పాట ‘బెళగెద్దు యారా మగువా’ అనే పాట యూట్యూబ్ లో వంద మిలియన్ల వ్యూస్ ని సంపాదించుకున్న నేపథ్యంలో దాని గురించి స్పందించింది రష్మిక.

Rakshit Shetty With Rashmika Mandanna

తొలి పాట చిత్రీకరణ తనకు ఇంకా గుర్తుంది అంటూ ఎమోషనల్ గా పోస్ట్ పెట్టింది. ఈ ట్వీట్ లో దర్శకుడు రిషబ్ శెట్టితో పాటు రక్షిత్ శెట్టి పేరుని కూడా ట్యాగ్ చేసింది. దీనికి స్పందించిన రక్షిత్.. ”Grow grow grow girl.. may all your dreams come true” అంటూ రిప్లై ఇచ్చాడు. రష్మిక.. రక్షిత్ పేరుని ట్యాగ్ చేయడం.. దానికి అతడు బదులివ్వడం చర్చనీయాంశమైంది. ప్రస్తుతం రష్మిక తెలుగులో స్టార్ హీరోయిన్ గా వెలుగొందుతోంది. త్వరలోనే బాలీవుడ్ లో కూడా ఎంట్రీ ఇవ్వడానికి సిద్ధమవుతోంది.