ఫిట్ బ్యూటీ రకుల్ ప్రీత్ సింగ్ వరుస విజయాలతో దూసుకుపోతోంది. గత ఏడాది హ్యాట్రిక్ విజయాన్ని అందుకొని టాలీవుడ్ టాప్ హీరోయిన్ జాబితాలో చేరిపోయింది. 2016 ఆమె నటించిన నాన్నకు ప్రేమతో, సరైనోడు, ధృవ సినిమాలు సూపర్ హిట్ అయ్యాయి. ఈ ఏడాది సాయి ధరమ్ తేజ్ తో కలిసి విన్నర్ నిరాశపరిచిన నాగ ఛైతన్య కి జోడీగా రారండోయ్ వేడుక చూద్దాంలో భ్రమరాంబగా నటించి మంచి పేరుని దక్కించుకుంది. అంతేకాదు సూపర్ స్టార్ మహేష్ బాబుతో కలిసి నటించిన స్పైడర్ మూవీ రిలీజ్ కి సిద్ధంగా ఉంది. ఇది హిట్ అయితే ఇటు టాలీవుడ్ లో నంబర్ వన్ కిరీటంతో పాటు, అటు కోలీవుడ్ లోను హీరోయిన్స్ కి గట్టి పోటీ ఇవ్వనుంది. ఇంత జోష్ లో ఉన్న ఈ భామ బాధపడుతోందంట.
కారణం ఏమిటంటే .. పవన్ కళ్యాణ్ సరసన నటించే ఛాన్స్ రాకపోవడమే. ఎప్పుడు అతనితో కలిసి నటిస్తానా? అని ఎదురుచూస్తోంది. అయితే ఆమె కోరిక తీరే తీరం కనిపించడం లేదు. పవన్ ప్రస్తుతం త్రివిక్రమ్ దర్శకత్వంలో నటిస్తున్నారు. ఇందులో హీరోయిన్స్ ఫిక్స్ అయిపోయారు. తర్వాత ఆర్ టీ నేసన్ దర్శకత్వంలో ఓ మూవీ చేయాల్సి ఉంది. కానీ వచ్చే ఏడాది ఎలక్షన్స్ హడావుడిలో పడి సినిమాలకు దూరం కావచ్చనే ప్రచారం కూడా సాగుతోంది. మరి రకుల్ లక్ ఎలా ఉందో కొన్ని రోజుల్లో తెలియనుంది.
Also, do SUBSCRIBE to our YouTube channel to get latest Tollywood updates.
