Rakul Preet: ప్రేమలో పడటం చాలా సహజమైన విషయం: రకుల్

May 23, 2022 / 04:49 PM ISTByFilmy Focus

Join Us

Rakul Preet: ప్రేమలో పడటం చాలా సహజమైన విషయం: రకుల్

టాలీవుడ్ లో టాప్ హీరోయిన్ గా కొనసాగుతున్న రకుల్ ప్రీత్ సింగ్ గురించి ప్రత్యేకంగా పరిచయం చేయాల్సిన అవసరం లేదు. కెరటం సినిమా ద్వారా తెలుగు ఇండస్ట్రీకి పరిచయమైన ఈ అమ్మడు వెంకటాద్రి ఎక్స్ప్రెస్ సినిమా ద్వారా మంచి గుర్తింపు పొందింది. ఈ సినిమాలో సందీప్ కిషన్ కి జోడిగా ప్రార్థనా అనే పాత్రలో నటించిన ఈ ఈ అమ్మడు తన అందం అభినయంతో అభిమానులకు చేరువయ్యింది. ఈ సినిమా మంచి సక్సెస్ అవడంతో టాలీవుడ్లో స్టార్ హీరోల సరసన నటించే అవకాశాలు అందుకుంది.

తెలుగు హిందీ తమిళ భాషలలో పలువురు స్టార్ హీరోలతో నటించి స్టార్ హీరోయిన్ గా మంచి గుర్తింపు పొందింది. ఇదిలా ఉండగా ప్రస్తుతం సోషల్ మీడియాలో రకుల్ ప్రీత్ కి సంబంధించిన ఒక వార్త చర్చనీయంగా మారింది. సాధారణంగా సెలబ్రిటీలు అంటే వారి జీవితం మొత్తం సోషల్ మీడియాలో ఉంటుంది. వారు ఏ చిన్న పని చేసినా కూడా ఇట్టే సోషల్ మీడియా ద్వారా అందరికీ తెలిసిపోతుంది. వారి వ్యక్తిగత జీవితాలు ఎంత దాచాలనుకున్నా కూడా బయటికి వస్తాయి.

ముఖ్యంగా సెలబ్రిటీలు ప్రేమ వ్యవహారాల గురించి ఎంత దాచాలనుకున్నా కూడా ఏదో విధంగా బయటపడుతుంటాయి.ఈ క్రమంలో చాలా మంది సెలబ్రెటీలు వారి ప్రేమ వ్యవహారాన్ని గుట్టుగా ఉంచి పెళ్లి దాక వచ్చిన తర్వాత సోషల్‌ మీడియాలో ద్వారా షేర్ చేస్తుంటారు. అయితే రకుల్ ప్రీత్ సింగ్ మాత్రం వారందరికీ భిన్నంగా తన ప్రేమ వ్యవహారం గురించి అందరికీ ముందుగానే చెప్పేసింది. రకుల్ ప్రీత్ సింగ్ బాలీవుడ్ నిర్మాత జాకీ భగ్నానీతో తాను ప్రేమలో పడింది . అయితే ఈమె తన ప్రేమ వ్యవహారం గురించి సోషల్‌ మీడియా వేదికగా అందరికి విషయమే తెలియచేసింది.

అయితే అందరికీ భిన్నంగా ఇలా తన ప్రేమ వ్యవహారం గురించి సోషల్ మీడియా ద్వారా తెలియ చేయడానికి ఒక కారణం కూడా ఉంది. రకుల్ ఇటీవల ఒక ఇంటర్వ్యూలో మాట్లాడుతూ ఈ విషయం గురించి పలు ఆసక్తికర విషయాలను వెల్లడించింది. ప్రేమలో పడటం అందరికీ చాలా సహజమైన విషయం కానీ దాని దా చాల్సిన అవసరం ఏముంది. ప్రేమ విషయాన్ని దాచటం వల్ల మన గురించి సోషల్ మీడియాలో రకరకాలుగా వచ్చే పుకార్లతో మనశ్శాంతి లేకుండా పోతుంది. అందువల్లే నేను నా ప్రేమ విషయం గురించి అందరికీ ముందుగా చెప్పాను అని వివరించింది.