టాలీవుడ్ లో నంబర్ వన్ హీరోయిన్ సింహాసనానికి చేరువలో ఉన్న బ్యూటీ రకుల్ ప్రీత్ సింగ్. ఈ ఫిట్ బ్యూటీ గత ఏడాది హ్యాట్రిక్ విజయాన్ని అందుకొని ఈ ఏడాది మరో హ్యాట్రిక్ అందుకోవడానికి సిద్ధమవుతోంది. మెగా హీరో సాయి ధరమ్ తేజ్ తో ఆమె కలిసి నటించిన విన్నర్ మూవీ శివరాత్రికి రిలీజ్ కానుంది. ఈ సందర్భంగా మీడియా ముందుకు వచ్చిన రకుల్ విన్నర్ మూవీతో పాటు మహేష్ గురించి ఆసక్తికర సంగతులను చెప్పింది. ఈ అమ్మడు మహేష్ బాబుతో కలిసి ద్విభాషా చిత్రంలో నటిస్తోంది. మురుగదాస్ దర్శకత్వంలో తెరకెక్కుతోన్న ఈ చిత్రం షూటింగ్ సమయంలో మహేష్ ని చూసి తెలుసుకున్న సంగతులను షేర్ చేసుకుంది.
“మహేష్ షూటింగ్ కి కరక్ట్ సమయానికి వస్తారు. పనిని ప్రేమిస్తారు. తోటి నటీనటులను గౌరవిస్తారు. మళ్లీ ఆయనతో నటించే ఛాన్స్ కోసం ఎదురు చూస్తుంటాను” అని అభినందనలతో ముంచెత్తింది. ఇంకా మహేష్ గురించి మాట్లాడుతూ ” తెలుగు, తమిళంలో తెరకెక్కుతోన్న సినిమా షూటింగ్ లో మహేష్ ఒక్కో భాష డైలాగ్ ని ఒక్కో స్టైల్లో చెప్పడం చూస్తే ఆశ్చర్యం కలుగుతోంది. పైగా ఆ డైలాగ్ ఎలా చెబితే బాగుంటుందో డైరక్టర్ తో చర్చిండం చూస్తుంటే మహేష్ ఇంత పెద్ద స్టార్ ఎలా అయ్యారో నాకు అర్ధమయింది” అని ప్రశంసల జల్లు కురిపించింది.
Also, do SUBSCRIBE to our YouTube channel to get latest Tollywood updates.
