కమర్షియల్ సినిమా అంటే స్పెషల్ సాంగ్ అనేది కామన్. స్టార్ హీరోయిన్ తో ప్రత్యేక పాట చిత్రీకరించడం అంతే కామన్ అయింది. రంగస్థలం సినిమాలో పూజా హెగ్డే జిగేల్ రాణిగా అదరగొట్టింది. మాస్ అభిమానులను థియేటర్ కి మళ్ళీ రప్పించడంలో విజయవంతమైంది. అందుకే ఆ కేటగిరీ ఆడియన్స్ ని నిరాశపరచకూడదని చెర్రీ భావిస్తున్నారు. ఈసారి కూడా స్టార్ హీరోయిన్ తో స్పెషల్ సాంగ్ చేయించాలని అనుకుంటున్నారు. ప్రస్తుతం బోయపాటి శ్రీను దర్శకత్వంలో రామ్ చరణ్ ఓ భారీ యాక్షన్ మూవీ చేస్తున్న సంగతి తెలిసిందే. భరత్ అనే నేను బ్యూటీ కైరా అద్వానీ హీరోయిన్ గా నటిస్తున్న ఈ చిత్రం వైజాక్ లో షూటింగ్ జరుపుకుంటోంది. రాక్ స్టార్ దేవీ శ్రీ ప్రసాద్ ఈ చిత్రానికి అదిరిపోయే సంగీతాన్ని ఇచ్చే పనిలో ఉన్నారు. రీసెంట్ గా స్పెషల్ సాంగ్ కంప్లీట్ చేసారని సమాచారం.
సూపర్ గా వచ్చిన ఆ పాటలో ఎవరిని తీసుందామని చిత్ర యూనిట్ ఆలోచించగా.. ఎక్కువమంది ఫిట్ బ్యూటీ రకుల్ ప్రీత్ సింగ్ కి ఓటేశారంట. తమిళ హిందీ సినిమాల కోసం ఈ భామ చాలా స్లిమ్ అయింది. కొత్త లుక్ లో ఉన్న ఈ స్టార్ హీరోయిన్ తో ఐటెం సాంగ్ చేయిస్తే సినిమాకి ప్లస్ అవుతుందని బోయపాటి డిసైడ్ అయ్యారు. ఆమెని సంప్రదిస్తే “బిజీగా ఉన్నాను ఇప్పుడు ఐటెం సాంగ్ నేను చేయలేను”అని చెప్పిందంట. చరణ్ తో రకుల్ బ్రూస్లీ, ధృవ సినిమాలో నటించింది. సులువుగా ఒప్పుకుంటుందని భావించిన చిత్ర బృందానికి ఇలా షాక్ ఇచ్చింది. ఇప్పుడు బోయపాటి వేరే బ్యూటీని వెతికే పనిలో పడ్డారు.
