కరోనాతో బాధపడుతున్నప్పుడు నాకు వాళ్ళే అండగా నిలిచారు : రకుల్

టాలీవుడ్ స్టార్ హీరోయిన్ రకుల్ ప్రీత్ సింగ్ ఇటీవల కరోనా భారిన పడిన సంగతి తెలిసిందే. స్వల్ప లక్షణాలు కనిపించడంతో టెస్టులు చేయించుకోగా ఆమెకు కరోనా పాజిటివ్ అని నిర్ధారణ అయ్యిందట. అయితే తాజాగా చేయించుకున్న పరీక్షల్లో రకుల్ కు కరోనా నెగిటివ్ అని వచ్చిందట. ఇదే విషయాన్ని రకుల్ తన సోషల్ మీడియా ద్వారా తెలియజేసింది.తన సోషల్ మీడియా ద్వారా రకుల్ మాట్లాడుతూ.. “కష్ట కాలంలో నాకు అండగా నిలిచిన ఫ్యాన్స్ కు పెద్ద థాంక్స్.

నేను కరోనా నుండీ కోలుకున్నాను అనే విషయాన్ని మీతో పంచుకోవడం నాకు చాలా సంతోషంగా ఉంది. ఇప్పుడు నేను బాగానే ఉన్నాను. మీ అందరి ప్రేమాభిమానాలకు నా ధన్యవాదాలు” అంటూ రకుల్ పేర్కొంది. అంతేకాకుండా.. ‘కరోనాను తేలికగా తీసుకోవద్దు. ప్రతీ ఒక్కరూ చాలా జాగ్రత్తగా ఉండాలి. మాస్క్‌లను ధరించడం, సామజిక దూరాన్ని పాటించడం తప్పనిసరిగా పాటించాలి. న్యూ ఇయర్ సెలబ్రేషన్ల విషయంలో చాలా జాగ్రత్త వహించండి. అందరూ క్షేమంగా ఉండాలనే నేను మనస్ఫూర్తిగా కోరుకుంటున్నాను’ అంటూ చెప్పుకొచ్చింది రకుల్.

ఇక ప్రస్తుతం రకుల్..తెలుగు,తమిళ, హిందీ భాషల్లో కలిపి 7 సినిమాల్లో నటిస్తుంది. ప్రస్తుతం అవి షూటింగ్ దశలో ఉన్నాయి. అన్నీ క్రేజీ ప్రాజెక్టులే కావడం మరో విశేషం.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!