‘ఉన్నది ఒకటే జిందగీ’ చిత్రంలో జంటగా నటించిన రామ్-అనుపమ ఆ సినిమాలో కారణాంతరాల వల్ల కలవలేకపోతారు. మరి ఆ సినిమాలో వారిద్దరి కథ సుఖాంతం అవ్వలేదని రామ్ ఫీలయ్యాడో లేక పర్సనాలిటీ & స్టార్ డమ్ కి అనుపమ సరిగ్గా సరిపోతుందని అనుకొన్నాడో ఏమో తెలియదు కానీ తన తాజా చిత్రంలో అనుపమ పరమేశ్వరన్ ను కథానాయికగా ఫైనల్ చేశాడు రామ్. త్రినాధరావు నక్కిన దర్శకత్వంలో తెరకెక్కుతున్న ఈ చిత్రాన్ని దిల్ రాజు నిర్మిస్తున్నాడు.
దిల్ రాజు సంస్థలో ఆల్రెడీ “శతమానమ్ భవతి” చిత్రంలో నటించి ఉన్న అనుపమను నిర్మాత దిల్ రాజు సజెస్ట్ చేయడంతోపాటు ఆల్రెడీ రామ్ సరసన నటించి ఉండడంతో దర్శకుడు త్రినాధరావు ఆమెను ఫైనల్ చేశాడని తెలుస్తోంది. ప్రస్తుతం అనుపమ నేచురల్ స్టార్ నాని సరసన “కృష్ణార్జున యుద్ధం” చిత్రంలో నటిస్తోంది. నిజానికి దిల్ రాజు బ్యానర్ లో రవితేజ హీరోగా తెరకెక్కాల్సిన ఓ చిత్రంలో అనుపమ హీరోయిన్ గా నటించాల్సి ఉండగా.. ఆ సినిమా ఆగిపోవడంతో అది కుదురలేదు. మొత్తానికి ఈ విధంగా దిల్ రాజు బ్యానర్ లో మరో సినిమాలో నటించే అవకాశం అందిపుచ్చుకుంది అనుపమ. మరి “ఉన్నది ఒకటే జిందగీ” చిత్రంతో హిట్ కొట్టలేకపోయిన ఈ జంట తాజా చిత్రంతో సూపర్ హిట్ కొట్టాలని ఆశిద్దాం.
