Ram Charan: కొరటాల శివలో ఇంత క్రియేటివిటీ ఉందా?

April 26, 2022 / 07:31 PM ISTByFilmy Focus

Join Us

Ram Charan: కొరటాల శివలో ఇంత క్రియేటివిటీ ఉందా?

మరో రెండు రోజుల్లో థియేటర్లలో ఆచార్య సినిమా విడుదల కానున్న సంగతి తెలిసిందే. ఆచార్య టీజర్ లో ఒకవైపు చిరు చరణ్ మరోవైపు చిరుతలు ఉన్న షాట్ ప్రేక్షకులను ఎంతగానో ఆకట్టుకుంది. ఆచార్య మూవీ టీజర్ కు ఆ షాట్ హైలెట్ గా నిలిచిన సంగతి తెలిసిందే. అయితే చరణ్ ఒక ఇంటర్వ్యూలో మాట్లాడుతూ కొరటాల శివ ఆ షాట్ చెప్పకుండా తీశాడని వెల్లడించారు. డీప్ ఫారెస్ట్ లో ఉన్న సమయంలో అప్పటికే సన్ లైట్ తగ్గిపోయిందని ఆరోజు తీయాల్సిన షాట్స్ కూడా అయిపోయాయని కొరటాల శివ వెల్లడించారు.

Click Here To Watch NOW

ప్యాకప్ చెప్పడానికి సిద్ధమవుతున్న సమయంలో కొరటాల శివ తమ దగ్గరకు హడావిడిగా వచ్చారని ఇంకొక్క షాట్ ఉందని చెప్పి నది ఒడ్డుకు వెళ్లి నన్ను నీళ్లు తాగమన్నారని చరణ్ తెలిపారు. చిరంజీవిని వెనుక నుంచి నడవమని కొరటాల శివ చెప్పారని కెమెరా యాంగిల్ ను మాత్రం మరోవైపు నుంచి ప్యాన్ చేస్తూ తీశారని ఎందుకు అలా చేస్తున్నారో నాన్నగారికి అర్థం కాక ఏమైనా సమస్య ఉందా అని అడిగారని చరణ్ చెప్పుకొచ్చారు.

లైటింగ్ సమస్య వల్ల చెప్పకుండా తీశానని చెప్పి కొరటాల శివ ఆ తర్వాత తమకు సీన్ గురించి వివరించారని చరణ్ కామెంట్లు చేశారు. ఆ షాట్ కొరటాల శివ తీసిన కమర్షియల్ షాట్స్ లో బెస్ట్ షాట్ అని చరణ్ వెల్లడించారు. ఆచార్య మూవీలో కథ ప్రేక్షకుల అంచనాలకు భిన్నంగా ఉంటుందని చరణ్ చెప్పుకొచ్చారు. శుక్రవారం థియేటర్లలో విడుదల కానున్న ఆచార్యపై ప్రమోషన్స్ ద్వారా చిరంజీవి, చరణ్ అంచనాలను పెంచేశారు.

చరణ్ కు జోడీగా ఈ సినిమాలో నీలాంబరి పాత్రలో పూజా హెగ్డే నటించారు. పూజా హెగ్డే ఈ సినిమాకు భారీగానే రెమ్యునరేషన్ తీసుకున్నారని తెలుస్తోంది. ఈ సినిమాలో చరణ్, పూజా హెగ్డే పాత్రలు పరిమితం కాగా సినిమాలో చరణ్ పాత్ర చనిపోతుందని వార్తలు వస్తున్నాయి. ఈ వార్తల్లో నిజానిజాలు తెలియాల్సి ఉంది.