‘వెంకటాద్రి ఎక్స్ప్రెస్’తో ఎంట్రీలోనే హిట్ కొట్టి అందరి దృష్టిలో పడ్డాడు మేర్లపాక గాంధీ. తర్వాత రెండో సినిమా ‘ఎక్స్ప్రెస్ రాజా’ నీ అదే కామెడీ బాటలో నడిపించి మరో హిట్ కొట్టాడు. దాంతో ఇతగాడి సినిమా పేర్లలో ఉండే ఎక్స్ప్రెస్ ఈయన పేరు ముందర కూడా చేరింది. వరుస విజయాలతో ఉన్న ఫుల్ జోరు మీదున్న మేర్లపాక మెగా కాంపౌండ్ లో అడుగుపెట్టనున్నాడు. రామ్ చరణ్ తో ఆ సినిమా చేయనున్నట్టు గుసగుసలు.
ప్రస్తుతం ‘ధృవ’ సినిమాతో తలమునకలై ఉన్న రామ్ చరణ్ ఇది పూర్తైన వెంటనే సుకుమార్ సెట్స్ లో వాలనున్నాడు. ఇది పూర్తయ్యాకే మేర్లపాక సినిమా ఉంటుందట. ఇప్పటికే రామ్ చరణ్ కి స్టోరీ లైన్ వినిపించాడట ఈ దర్శక గాంధీ. సుకుమార్ సినిమా గనక మినిమమ్ పదినెలలు తక్కువ సమయం పట్టదన్న ‘మాట’ ఉండనే వుంది. ఈ సినిమా విషయంలోనూ అదే జరిగితే మేర్లపాక స్క్రిప్ట్ పనులకు కావాల్సినంత సమయం దొరుకుతుంది. గనక ఆదరాబాదరాగా చుట్టేయాల్సిన పనిలేదు. ఇక చెర్రీతో సినిమా చేయాలనీ ఎప్పటినుండో అనుకుంటున్నా యూవీ వాళ్ళే ఈ సినిమా నిర్మించనున్నారట. ఏమైనా మేర్లపాక ఎక్సప్రెస్ వేగం బాగుంది.
https://www.youtube.com/watch?v=Iwm3_LQACdc
