నిర్మాతగా రాజమౌళీతో కలిసి రామ్ చరణ్ ముందడుగు

రాజమౌళి “ఆర్ ఆర్ ఆర్” గురించి రోజుకో ఆసక్తికరమైన అప్డేట్ బయటకి వస్తోంది. ఈ చిత్రంలో రామ్ చరణ్ పోలీస్ ఆఫీసర్ గా, ఎన్టీఆర్ బందిపోటుగా నటిస్తున్నాడని ఆల్రెడీ టాక్ ఫుల్ జోష్ లో రన్ అవుతుండగా.. ఇప్పుడు ఈ సినిమాకి సంబంధించిన మరో కొత్త అప్డేట్ వైరల్ అవుతుంది. ఈ సినిమాలో రామ్ చరణ్ హీరోగా నటించడం మాత్రమే కాదు.. సినిమా నిర్మాణంలోనూ భాగస్వామికానున్నాడట. దానయ్య నిర్మిస్తున్న ఈ చిత్రంలో రామ్ చరణ్ కూడా కొంత ఇన్వెస్ట్ చేసి.. ప్రొడక్షన్ పార్ట్నర్ కానున్నాడు.

ఆల్రెడీ స్వంత నిర్మాణ సంస్థ స్థాపించి వరుసగా తండ్రి చిరంజీవితో సినిమాలు నిర్మిస్తూ ఫుల్ ఫామ్ లో ఉన్న చరణ్ ఇప్పుడు తాను నటిస్తున్న సినిమాలకు కూడా నిర్మాణ భాగస్వామిగా మారుతూ.. మహేష్ బాబు తరహాలో బడా స్టార్ అయ్యేందుకు సన్నాహాలు చేసుకొంటున్నాడు. రాజమౌళి సినిమా ఎలాగూ సూపర్ హిట్ అవుతుంది కాబట్టి.. నిర్మాతగా చరణ్ ఖాతాలో మరో సూపర్ హిట్ ఆల్రెడీ ఉన్నదన్నమాట.