టాలీవుడ్ ఇండస్ట్రీలో స్టార్ హీరోలు వరుసగా పాన్ ఇండియా సినిమాలను ట్రాక్ లోకి తీసుకు వస్తున్న విషయం తెలిసిందే. ఒక్కసారి పాన్ ఇండియా రూట్ లోకి వెళితే మళ్ళీ ఎవరు కూడా మరో ఆలోచన చేయడం లేదు. వరుసగా పాన్ ఇండియా సినిమాలు చేసేందుకు ఎక్కువగా ఆసక్తిని చూపిస్తున్నారు. ఇక రానున్న రోజుల్లో రామ్ చరణ్ కూడా మరిన్ని పాన్ ఇండియా సినిమాలను చేసేందుకు ప్రయత్నం చేస్తున్నాడు. ఇటీవల రామ్ చరణ్ హఠాత్తుగా ముంబైలో కనిపించడంతో కొత్త సినిమా ప్రాజెక్ట్ కోసమే అని టాక్ వస్తోంది.
RRR సినిమాతో మొదటి సారి పాన్ ఇండియా మార్కెట్ ను ఎన్టీఆర్ తో షేర్ చేసుకుంటున్న రామ్ చరణ్ ఆ తరువాత మాత్రం సోలోగానే వరుసగా బిగ్ బడ్జెట్ పాన్ ఇండియా ప్రాజెక్టులను లైన్ లో పెట్టాలని చూస్తున్నాడు. వీలైనంత వరకు పవర్ఫుల్ కథలను సెట్ చేసుకోవాలని ఆలోచిస్తున్నట్లు తెలుస్తోంది. గతంలో ఎప్పుడు లేని విధంగా రామ్ చరణ్ విభిన్నమైన దర్శకులను కూడా ట్రాక్ లోకి తీసుకు వస్తున్నాడు.
పరబాషకు సంబంధించిన దర్శకులు సైతం రామ్ చరణ్ తో సినిమాలు చేయడానికి ఫిక్స్ అయినట్లు తెలుస్తోంది. ఇక ప్రస్తుతం శంకర్ తో పాటు గౌతమ్ తిన్ననూరితో కూడా ఒక సినిమా చేసేందుకు ఒప్పుకున్న రామ్ చరణ్ త్వరలోనే సంజయ్ లీలా భన్సాలీతో కూడా ఒక సినిమా చేసేందు చర్చలు జరుపుతున్నట్లు సమాచారం. ఇటీవల అందుకోసమే ముంబైకు వెళ్లిన రామ్ చరణ్ ఒక స్టార్ దర్శకుడితో స్టార్ హోటల్ లో ప్రత్యేకంగా చర్చలు జరిపినట్లు తెలుస్తోంది.
ఆ స్టార్ దర్శకుడు సంజయ్ లీలా భన్సాలి అని టాక్ వస్తోంది. పద్మావత్ సినిమాతో బిగ్ హిట్ అందుకున్న సంజయ్ త్వరలో గంగుభాయ్ ఖతియావాడి సినిమాను రిలీజ్ కు సిద్ధం చేశాడు. ఇక ఆ సినిమా అనంతరం రామ్ చరణ్ తో వర్క్ చేసే ఛాన్స్ ఉన్నట్లు టాక్ వస్తోంది. మరి ఈ టాక్ ఎంతవరకు నిజమో తెలియాలి అంటే అఫీషియల్ గా క్లారిటీ వచ్చే వరకు వేయిట్ చేయాల్సిందే.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
