భారత చలన చిత్ర పరిశ్రమలో తెరకెక్కుతున్న మరో ప్రతిష్ఠాత్మక చిత్రం ‘ఆదిపురుష్‌’. ప్రభాస్‌, సైఫ్‌ అలీ ఖాన్‌ లాంటి అగ్ర తారలతో రూపొందుతున్న ఈ సినిమాలో మరో అగ్ర హీరో కూడా నటించారా? అవుననే అంటున్నాయి బాలీవుడ్‌ వర్గాలు. ఇప్పటికే షూటింగ్‌ పూర్తయిపోయింది ఇప్పుడు మళ్లీ వేరే హీరో ఉన్నాడు అనే మాట ఎందుకొస్తోంది అంటారా? మీరన్నది నిజమే కానీ, ఈ స్పెషల్‌ క్యారెక్టర్‌ షూటింగ్‌ ఇంతకుముందే జరిగిపోయింది అని అంటున్నారు.
‘ఆదిపురుష్‌’ సినిమాలో ఓ కీలక పాత్ర కోసం రామ్చరణ్ నటించాడు అనేది లేటెస్ట్‌ టాక్‌. ఇందులో నిజానిజాలు ఎంతో తెలియదు కానీ, బాలీవుడ్‌ జనాలు మాత్రం ఈ విషయం గురించే మాట్లాడుకుంటున్నారు. ‘ఆదిపురుష్‌’లో ఓ ప్రముఖ పాత్ర కోసం రామ్‌చరణ్‌ను అడగడం, దానికి రామ్‌ ఓకే చెప్పయడం, వెంటనే షూట్‌ కూడా చేసేయడం జరిగిపోయిందని అంటున్నారు. కొన్ని నెలల క్రితం రామ్చరణ్ తరచుగా ముంబయి వెళ్లాడు. అప్పుడు ఏదో బిజినెస్‌ పనులు అని సన్నిహిత వర్గాలు చెప్పాయి.
అలా వెళ్లినప్పుడు ‘ఆదిపురుష్‌’ షూటింగ్‌లో ఏమన్నా పాల్గొన్నాడా అనే డౌటానుమానం ఇప్పుడు కలుగుతోంది. ప్రభాస్‌తో రామ్‌చరణ్‌కున్న స్నేహం కారణంగా ‘ఆదిపురుష్‌’లో చరణ్‌ నటించి ఉండొచ్చు అని అంటున్నారు. అయితే ఆ పాత్ర మహా శివుడు అయి ఉండొచ్చు అని కూడా అంటున్నారు. ‘ఆర్‌ఆర్‌ఆర్’తో పాన్‌ ఇండియా రేంజిలో ఫేమ్‌ సంపాదించుకున్న చరణ్‌.. ‘ఆదిపురుష్‌’లోనూ కనిపిస్తే బజ్‌ మామూలుగా ఉండదు. దీంతో ఈ గాసిప్‌ నిజమవ్వాలని చరణ్‌ ఫ్యాన్స్‌ కోరుకుంటున్నారు.
ఇక ఈ సినిమా సంగతి చూస్తే… ప్రభాస్‌ రాముడిగా నటిస్తుండగా, సీతగా కృతి సనన్‌ కనిపించనుంది. ఓం రౌత్‌ దర్శకత్వం వహిస్తున్న ఈ సినిమాలో సైఫ్‌ అలీ ఖాన్‌ రావణుడిగా కనిపించబోతున్నాడు. ఇక ఈ సినిమా పోస్ట్‌ ప్రొడక్షన్‌ పనులు జరుగుతున్నాయి. వచ్చే సంక్రాంతికి కానుకగా జనవరి 12న సినిమాను విడుదల చేయాలని చూస్తున్నారు. వరుసగా రెండు పాన్‌ ఇండియా ఫ్లాప్‌ల తర్వాత ప్రభాస్‌ నుండి వస్తున్న సినిమా కావడంతో డార్లింగ్‌ ఫ్యాన్స్‌ నుండి కూడా అంచనాలు భారీగా ఉన్నాయి.
Most Recommended Video
అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
