ఏ రంగమైనా పోటీ ఉంటేనే మజా. ఆ పోటీ సమానమైన వ్యక్తుల మధ్య జరిగినప్పుడు మరింత ఆసక్తిగా ఉంటుంది. తెలుగు సినీ ప్రేక్షకులు ఆ మజాను రుచిచూడనున్నారు. 2017 సంక్రాంతికి మెగాస్టార్ చిరంజీవి, నటసింహ బాలయ్య తమ చిత్రాలతో పోటీకి దిగుతున్నారు. చాలా గ్యాప్ తర్వాత జరుగుతున్న యుద్ధం కావడం ఒక ఎత్తు అయితే.. ఆ చిత్రాలు వారి స్పెషల్ కావడం మరో ఎత్తు. ఖైదీ నంబర్ 150 చిరుకి 150 వ సినిమా. గౌతమి పుత్ర శాతకర్ణి బాలకృష్ణకి వందో చిత్రం. అందుకే ఇద్దరు సీనియర్ హీరోలు చాలా కష్టపడ్డారు. దీంతో సంక్రాంతి మాది అంటే మాది అంటూ మెగా, నందమూరి అభిమానులు ధీమా వ్యక్తం చేస్తున్నారు.
ఇప్పుడు ఈ పోటీకి హీరోల వారసులు మరింత ఊపునిచ్చారు. చిరు తనయుడు చరణ్ ఖైదీ నంబర్ 150 లో పాటలో స్టెప్పులేయనున్నారు. అలాగే గౌతమి పుత్ర శాతకర్ణిలో బాలకృష్ణ నట వారసుడు మోక్షజ్ఞ ఒక్క సీన్లో కనిపించి డైలాగ్ చెప్పనున్నారు. ప్రత్యక్షం గా బాలయ్య, చిరు బరిలో దిగుతుంటే పరోక్షంగా చెర్రీ, మోక్షజ్ఞ రేస్ లో ఉన్నారు. ఎవరిదీ గెలుపు.. ఎవరిదీ ఓటమి.. ఇదే ప్రస్తుతం టాలీవుడ్ వర్గాల్లో, అభిమానుల్లో హాట్ టాపిక్. ఫలితం కొన్ని రోజుల్లో తేలిపోనుంది.
Also, do SUBSCRIBE to our YouTube channel to get latest Tollywood updates.
