మొన్నటివరకు స్టార్ హీరోలు ఒక సినిమా పూర్తయితే గాని మరొక సినిమాను స్టార్ట్ చేసే వారు కాదు. అయితే కరోనా మహిమే లేక పాన్ ఇండియాల ప్రభావమో తెలియదు గాని స్టార్ హీరోలు ఒకేసారి రెండు మూడు సినిమాలను సెట్స్ పైకి తీసుకురావడం హాట్ టాపిక్ గా మారింది. గతంలో ఎప్పుడు లేని విదంగా అగ్ర హీరోలు వరుసగా పెద్ద సినిమాలను లైన్ లో పెట్టడం వలన డేట్స్ అడ్జస్ట్ చేసుకోవడంలో నానా తంటాలు పడుతున్నారు.
ఇక రామ్ చరణ్ కూడా డబుల్ గేమ్ ఆడాల్సి వస్తోందట. అంటే ఒకరోజు రాజమౌళి ఆడిస్తుంటే మరో రోజు కొరటాల శివ ఆడించనున్నాడట. ఇలా రెండు బొమ్మల కోసం మెగా పవర్ స్టార్ తీరిక లేకుండా కష్టపడుతున్నట్లు సమాచారం. అనుకున్న ప్లాన్ ప్రకారం ముందుగా RRRను పూర్తి చేయాలి కానీ ఆచార్య మెగాస్టార్ కు ప్రతిష్టాత్మక సినిమా కావడంతో జక్కన్న మరోసారి కరిగిపోయి గ్రీన్ సిగ్నల్ ఇచ్చాడు.ఇక ఇప్పుడు తారక్ కోసం రాజమౌళి విభిన్నమైన షెడ్యూల్ ను సెట్ చేసుకోవాల్సి వస్తోంది.
ముందుగా చరణ్ లేని రోజు అతనికి సంబంధం లేని షాట్స్ షూట్ చేస్తున్నారట. ఇక కొరటాల శివ కూడా అదే తరహాలో యూజ్ చేసుకుంటున్నట్లు సమాచారం. ముందుగా ఆచార్య రానుంది కాబట్టి చరణ్ వీలైనంత త్వరగా షూటింగ్ ను పూర్తి చేయాలని డిసైడ్ అయినట్లు తెలుస్తోంది. మరి లుక్స్ విషయంలో ఎలాంటి జాగ్రత్తలు తీసుకుంటారో చూడాలి. RRR సినిమాలో అల్లూరి సీతారామరాజుగా కనిపించనున్న చరణ్ ఆచార్యలో సిద్దా అనే పాత్రలో నటిస్తున్నాడు.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
