రామ్ ను ప్రశ్నించిన ఓ ఫ్యాన్.. దానికి రామ్ సమాధానం?

ఎనర్జిటిక్ స్టార్ రామ్ హీరోగా డాషింగ్ డైరెక్టర్ పూరి జగన్నాథ్ తెరకెక్కించిన చిత్రం ‘ఇస్మార్ట్ శంకర్’. ఈరోజు విడుదలైన ఈ చిత్రానికి మొదటి షో నుండే పాజిటివ్ టాక్ వచ్చింది. రామ్ ఈజ్ బ్యాక్.. ‘పూరి ఈజ్ బ్యాక్.. మణిశర్మ ఈజ్ బ్యాక్’ అంటూ సోషల్ మీడియాలో ఈ చిత్రం పై ప్రశంసలు కురిపిస్తున్నారు ప్రేక్షకులు. ఇదిలా ఉండగా ఈ చిత్రం ప్రమోషన్లో భాగంగా హీరో రామ్ తన ట్విట్టర్లో ఫ్యాన్స్ తో ముచ్చటించాడు. వారు అడిగే ఆసక్తికర ప్రశ్నలకు సమాధానాలు ఇచ్చాడు. ఈ క్రమంలో ఓ అభిమాని ‘మా నాన్నతో కలిసి ఈ సినిమాకు వెళుతున్నానని, ఫర్వాలేదా? అని ప్రశ్నించాడు.

ఈ ప్రశ్నకు రామ్ సమాధానమిస్తూ… “మీ నాన్నతో స్నేహంగా ఉంటే కలిసి చూడు. లేదు భయం ఉంటే విడివిడిగా చూడు. ఇంకేం చెబుతాం” అంటూ సమాధానమిచ్చాడు. ఈ చిత్రంలో రొమాన్స్, అడల్ట్ కంటెంట్ డైలాగులు, బూతులు ఓ రేంజ్లో ఉండబోతున్నాయని.. ట్రైలర్లు చూడగానే అందరికీ ఓ క్లారిటీ వచ్చేసింది. అందులోనూ సినిమాకి సెన్సార్ బోర్డు వారు ‘A’ సర్టిఫికేట్ ఇచ్చారు. అందుకే ఫ్యామిలీతో ఈ చిత్రానికి వెళ్ళడానికి చాలా ఆలోచిస్తున్నారు.