Ram Gopal Varma, Megha Akash: కుర్ర హీరోయిన్‌ని ఆకాశానికెత్తిన వర్మ

రామ్‌గోపాల్‌వర్మకు ఒక మనిషి నచ్చితే ఆకాశానికెత్తేస్తారు. వద్దనుకుంటే నేలకేసి కొడతారు. ఆయన ట్వీట్లు, పోస్టుల్లో ఈ విషయం మనకు స్పష్టంగా కనిపిస్తుంది. ఆయన వ్యంగ్యంగా ట్వీట్లు పెట్టి మాటలు అనేది ఎవరి గురించి అందరికీ తెలిసిందే. అయితే ఇటీవల వర్మ ఆకాశానికెత్తేసే వాళ్ల సంఖ్య పెరుగుతూ వస్తోంది. కొందరిని ట్వీట్లతో పొగుడుతుంటే ఇంకొందరిని మాటలతో పొగుడుతున్నాడు. తాజాగా ఆయన చూపు కుర్ర హీరోయిన్‌ మేఘ ఆకాశ్ మీద పడింది.

‘డియర్‌ మేఘ’ సినిమాతో త్వరలో మేఘ ఆకాశ్‌ పలకరించనుంది. ఈ సినిమాలో టైటిల్‌ రోల్‌ పోషిస్తోంది మేఘ. ఈ సినిమా ప్రీ రిలీజ్‌ ఈవెంట్‌ ఇటీవల హైదరాబాద్‌లో జరిగింది. ఈ వేడుకకు వర్మను ముఖ్య అతిథిగా పిలిచారు. ఈ సందర్భంగా వర్మ… హీరోయిన్‌ మేఘ ఆకాశ్‌పై ప్రశంసలు కురింపించారు. ఈ క్రమంలో ‘‘మేఘ స్వీట్‌గా ఉంటుంది. ఆమెను కలిసిన వారికి డయాబెటిస్‌ వస్తుందేమో. 40 సంవత్సరాల క్రితం ఇలాంటమ్మాయి నాకు కనిపించుంటే నేనిలా ఉండేవాణ్ని కాదు’’ అని అన్నారు.

వర్మ రీసెంట్‌ కామెంట్లు చూస్తే… అమ్మాయిల మీద, అందులోనూ హీరోయిన్ల మీద ఎక్కడలేని అభిమానం కనిపిస్తోంది. వీలైనప్పుడల్లా తెగ పొగిడేస్తున్నారు. అంతగా ఆయనలో మార్పు ఎందుకొచ్చిందో అర్థం కావడం లేదు కానీ… వర్మ మాట మాత్రం మారింది అనుకోవచ్చు. మరి వర్మ లిస్ట్‌లో నెక్స్ట్‌ ఎవరున్నారో చూడాలి.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!