బాలీవుడ్ నటి రాధికా ఆప్టే కొన్ని రోజులుగా బ్రేకింగ్ న్యూస్ లో ఉంది. కారణం విజయాలు కాదు విమర్శలు. ముఖ్యంగా దక్షిణాది చిత్రపరిశ్రమపై ఇష్టమొచ్చినట్లు మాట్లాడి వార్తల్లో వ్యక్తిగా నిలిచింది. ధోనీ, రక్తచరిత్ర, లెజెండ్, లయన్ చిత్రాలతో తెలుగు వారికి దగ్గరైన ఈ బ్యూటీ తెలుగు చిత్ర పరిశ్రమలో హీరోయిన్లని హీనంగా చూస్తారని చెప్పి పరిశ్రమకు దూరమైంది. మొన్నటిమొన్న ఓ ఇంటర్వ్యూ లో మాట్లాడుతూ దక్షిణాదికి చెందిన ఓ నిర్మాత తనను పడక గదిలోకి రమ్మని పిలిచాడని చెప్పి షాకిచ్చింది. అంతేకాదు కొన్ని రోజుల క్రితం ఓ అగ్ర హీరో చెంప పగలగొట్టానని చెప్పి సోషల్ మీడియాలో ట్రెండింగ్ లోకి వచ్చింది. స్టార్ హీరో అన్నదే తప్ప ఆ హీరో ఎవరనేది చెప్పలేదు. దీంతో అంత ధైర్యంగా ఆ హీరోగారి చెంప పగలగొట్టంగా లేందీ పేరు చెప్పడానికి భయమెందుకు? అని నెటిజనులు ఆమెపై విమర్శలు గుప్పించారు.
తాజాగా “రామ్గోపాల్ వర్మ ఇక రిటైర్ కావచ్చు” అంటూ ఆయన మీదే కామెంట్స్ చేసింది. రామ్గోపాల్ వర్మ సినిమా రక్తచరిత్రతోనే రాధికకి తెలుగు, తమిళంలో గుర్తింపు వచ్చింది. గురువు లాంటి వ్యక్తిని రిటైర్ కమ్మని చెప్పడంతో వర్మ అభిమానులు రాధికపై ఆగ్రహం వ్యక్తం చేస్తున్నారు. రాధికా ఫ్యాన్స్ సైతం ఆమె మాటలను తప్పుపడుతున్నారు. ఇలాంటి వ్యాఖ్యలు మానుకోవాలని హితవుపలుకుతున్నారు. తనకు అవకాశమిచ్చిన పరిశ్రమలను, నటీనటులు, టెక్నీషియన్స్ ని విమర్శిస్తూ పోతుంటే దక్షిణాదిలోనేకాదు ఉత్తరాదిలోను రాధికాకు ఎవరు ఛాన్స్ ఇవ్వరని సినీవిశ్లేషకులు హెచ్చరిస్తున్నారు.
